Am meadhan
Canaidh sinn am meadhan ris an àireimh sa mheadhan. Airson meadhan seata àireamhan sam bith obrachadh a-mach, feumaidh tu na h-àireamhan a sgrìobhadh ann an òrdugh.
Airson an àireamh mheadhain obrachadh a-mach:
- cùir na h-àireamhan gu lèir ann an òrdugh àireamhach
- mas e àireamh chòrr a tha sna toraidhean, 's e am meadhan an àireamh a tha sa mheadhan
- mas e àireamh chothrom a tha sna toraidhean, bidh am meadhan letheach eadar an dà àireimh mheadhain.
Ag obrachadh a-mach a' mheadhain le àireamh chòrr de thoraidhean
Obraich a-mach am meadhan san t-seata àireamhan seo:
\(21, 23, 27, 19, 24, 22, 24\)
Freagairt
Cuir na h-àireamhan ann an òrdugh àireamhach
\(19, 21, 22, 23, 24, 24, 27\)
Lorg an àireamh mheadhain
\(19, 21, 22, \textbf{23}, 24, 24, 27\)
'S e am meadhan \(23\).
Question
Obraich a-mach am meadhan san t-seata àireamhan seo
\(4, 6, 8, 3, 8, 4, 7\)
Cuir na h-àireamhan ann an òrdugh:
\(3, 4, 4, 6, 7, 8, 8\) ('S e an ceathramh àireamh am meadhan)
'S e am meadhan \(6\).
Ag obrachadh a-mach a' mheadhain le àireamh chothrom de thoraidhean
Airson am meadhan aig na h-àireamhan seo obrachadh a-mach: \(5, 11, 12, 4, 8, 21\)
Cuir na toraidhean ann an òrdugh:
\(4, 5, 8, 11, 12, 21\)
Lorg an dà àireimh sa mheadhan:
\(8\) agus \(11\).
Feumaidh sinn an luach a tha letheach eatarra a lorg.
Mar sin 's e am meadhan:
\((8 + 11) \div 2 = 9\cdot5\).
Question
Lorg am meadhan san t-seata àireamhan seo
\(16, 21, 13, 14, 18, 12, 20, 18, 21, 14\)
Cuir na h-àireamhan ann an òrdugh:
\(12, 13, 14, 14, 16, 18, 18, 20, 21, 21\)
(Tha am meadhan eadar an \(5mh\) agus an \(6mh\) àireamh)
Tha am meadhan letheach eadar \(16\) agus \(18\)
'S e am meadhan \(17\).
