Comann-sòisealta air a sgaradhBeachdan air daoine bochda
Deireadh an 19mh linn, bha bochdainn ann ri linn cion obrach, tinneas is an aois. Cogadh nam Boer – doirbh fir a lorg a bha fiot. Bha aig an Riaghaltas Libearalach 1906 ri dèiligeadh ri bochdainn.
Bha Riaghaltas Bhreatainn ag obrachadh a rèir prionnsapal 'laissez faire'. B' e sin an creideas nach bu chòir dhan riaghaltas a bhith an sàs ann an cùisean bochdainn is cruadail. Bha daoine beairteach dhen bheachd gun robh na daoine bochda mì-fhortanach ach gun robh iad nam pàirt do-sheachanta dhen chomann-shòisealta.
Bhidio Slàinte a' Phobaill agus an riaghaltas
Bha creideas ann gur e leisg, misg agus dìth moraltachd a bha ag adhbhrachadh bochdainn. Bha mòran dhen bheachd gum bu chòir fèin-chuideachadh, sin uallach a bhith air gach duine fa leth coimhead às dèidh an seasamh agus am beòshlaint fhèin, a bhrosnachadh.
Bhathar a' sùileachadh gun toireadh daoine iad fhèin a-mach à bochdainn tro fhoghlam agus obair chruaidh.
