Bheir an earrann seo cothrom dhut do sgilean leughaidh a leasachadh aig Ìre Nàiseanta 4. Tha an earrann stèidhichte air na meadhanan.

Naidheachdan

Tha an Riaghaltas air aontachadh rannsachadh a chur air bhonn a thaobh rathad ùr timcheall Loch Liapaig. Bhathar a' gearan mu dhroch staid an rathaid airson fichead bliadhna.

Chaidh binn seachd bliadhna a chur air fear à Peairt an-diugh airson a bhith a' reic dhrogaichean ri clann-sgoile. Thuirt an Siorram gur e rud uabhasach a rinn an duine.

Tha crith-thalmhainn ùr air a bhith ann an Sìona. Seo an dàrna tè an t-seachdain seo.

Ann an saoghal spòrs - choisinn an cluicheadair teanais ainmeil Anndra Moireasdan a' chiad duais ann an co-fharpais anns na Stàitean Aonaichte an-dè. Seo an treasamh co-fharpais eadar-nàiseanta a tha Mgr Moireasdan air buannachadh anns na ceithir mìosan a chaidh seachad.

Ball-coise - tha Sgioba na h-Alba a' cluich an aghaidh na Gearmailt a-nochd aig Pàirc Hampden. Thuirt Manaidsear na h-Alba gun robh e dòchasach gun dèanadh iad an gnothach air a' Ghearmailt.