Anifail
Ed Holden - neu Mr Phormula - yn trafod nodweddion cerddoriaeth roc, ac yn dadansoddi’r trac 'Anifail' gan Candelas
Mae’r gân Anifail yn ymddangos ar albwm cyntaf Candelas - Candelas - a gafodd ei ryddhau yn 2013.
Er bod y teitl yn awgrymu ei bod hi’n gân am anifeiliaid, mae’r geiriau’n trosiadGair neu ymadrodd sy’n cynrychioli rhywbeth arall neu’n symbol am rywbeth arall. sy’n rhybuddio sut mae rhai pobl yn gallu ymddwyn pan fyddan nhw’n mynd allan am y noson, gan awgrymu eu bod nhw’n troi’n anifeiliaid.
Cywair
Mae’r gân wedi’i hysgrifennu yng nghywair E leiaf.
Gwead
Mae’r gwead yn homoffonigUn llinell o alaw sy’n cael ei chwarae gan bob offeryn ar yr un pryd. Yn llythrennol, mae’n golygu ‘i’w clywed gyda’i gilydd’. ac yn bennaf yn alaw a chyfeiliantMath o wead lle mai dim ond un alaw glir sydd. Mae cyfeiliant yn chwarae nodau a rhythmau gwahanol, ond i gefnogi’r alaw.. Mae hyn yn nodweddiadol o gerddoriaeth roc a phop.
Offeryniaeth ac ansoddau
Mae gan Candelas batrwm band roc nodweddiadol, sef drymiau, gitarau, gitâr fas a chanwr. Mae’r gitâr yn chwarae cordiau wedi’u ystumiantGosodiad trydanol sy’n gallu creu tôn fwy niwlog neu gras., yn enwedig yn rhannau’r gytgan, sy’n nodweddiadol o’r arddull gerddorol hon.
Tempo
Mae modd disgrifio’r tempo fel curiad roc cymharol fywiog gyda thempo roc 4/4 nodweddiadol.
Dynameg
Mae’r darn gan mwyaf yn forteWedi’i fyrhau i f wrth gael ei ysgrifennu yn y sgôr. Mae’n golygu chwarae’r gerddoriaeth yn uchel., fel y rhan fwyaf o ganeuon roc, ac nid oes newid o bwys yn y ddynameg ar unrhyw adeg.
Adeiledd
Adeiledd pennill a chytgan sydd i’r gân, a stroffigGosodiad cerddorol lle bydd y penillion yn ailadrodd. yw’r enw ar hyn. Mae adeiledd cyfan Anifail fel hyn.
- Rhagarweiniad
- Pennill 1
- Cyn-gytgan
- Cytgan
- Pennill 2
- Cyn-gytgan
- Cytgan
- Unawd offerynnol
- Cyn-gytgan
- Cytgan/diweddglo offerynnol
Harmoni
Mae harmoni’r gân Anifail wedi’i seilio ar ríffPatrwm cerddorol sy’n cael ei ailadrodd mewn cerddoriaeth bop a roc fodern. gitâr sy’n ailadrodd ac yn cael ei ddefnyddio drwy’r gân i gyd.
Y ríff gitâr sy’n ailadrodd ar y trac 'Anifail'
Mae’r gân yn defnyddio’r dilyniad cordiau Em-C-Bm yn y rhagarweiniad, y pennill a’r gytgan.
Mae modd clywed y dilyniad cordiau hwn yn glir yn y gytgan, lle mae’r ríff o’r rhagarweiniad yn cael ei ddefnyddio i yrru’r gerddoriaeth yn ei blaen.
Y dilyniad cordiau yng nghytgan 'Anifail'
Mae’r gytgan yn cael ei chyflwyno gan gyn-gytgan mewn cywair mwyaf, sy’n cynnwys nodyn pwyslaisNodyn sy’n cael ei chwarae â phwyslais neu aceniad ychwanegol. a symudiad cromatig i greu cyferbyniad â’r brif gytgan sy’n dilyn.
Cyn-gytgan 'Anifail'
Mae cordiau pŵer – sef pan fydd trydydd y cord wedi’i hepgor – yn cael eu defnyddio yn y gân yma i greu sain gryf.
Enghraifft o gordiau pŵer yn 'Anifail'
