Tha mion-sgrùdadh is luachadh earrann èisteachd a’ gabhail a-steach smaoineachadh mu adhbhar a’ phìos, stoidhle na h-earrainn - fiosrachail no beachdail – is dè cho soirbheachail is a tha i.
Nad bheachd, càit an cluinneadh tu a leithid de earrainn?
- Air naidheachdan làitheil BBC Radio nan Gàidheal
- Air Spòrs na Seachdain air BBC Radio nan Gàidheal
- Air prògram spòrs air stèisean rèidio ionadail
Air Spòrs na Seachdain air BBC Radio nan Gàidheal.
'S e fiosrachadh spòrs nàiseanta (chan e ionadail) a tha seo. Chan ann à prògram naidheachdan làitheil a tha e oir tha sinn a' cluinntinn mu thachartas a ghabh no a ghabhas àite thairis air seachdain.
Question
Nad bheachd, cò a bu mhotha aig am biodh ùidh anns a' phrògram seo?
- Daoine aig a bheil ùidh ann an spòrs air feadh an t-saoghail
- Daoine aig a bheil ùidh ann an spòrs na h-Alba
- Daoine aig a bheil ùidh ann an spòrs air a' Ghàidhealtachd
Daoine aig a bheil ùidh ann an spòrs na h-Alba.
Tha gach naidheachd spòrs anns an earrainn ceangailte ri Alba (iomain, Albannach a bhios a' cluich goilf, ball-coise agus rugbaidh anns a bheil sgiobaidhean Albannach an sàs).
Question
Nad bheachd, dè cho soirbheachail 's a bha an earrann ann a bhith a' toirt fiosrachadh dhan luchd-èisteachd?
Ma thèid faighneachd dhut mu cho soirbheachail 's a bha teacsa ann a bhith a' coileanadh a h-amais, bu chòir dhut beachd pearsanta a thoirt seachad agus am beachd sin a mhìneachadh.
Mar eisimpleir: Bha i glè shoirbheachail. Thug an earrann fiosrachadh dhan luchd-èisteachd mu dhiofar spòrs air feadh Alba. Cha tug i seachad fiosrachadh mu spòrs aig nach robh gnothach ri Alba.
