Tha mion-sgrùdadh is luachadh earrann èisteachd a’ gabhail a-steach smaoineachadh mu phrìomh adhbhar a’ phìos, stoidhle na h-earrainn agus do bheachd fhèin air dè cho soirbheachail is a tha i.
Chan eil ach aon làrach-campachaidh air an eilean.
Question
Dè na trioblaidean a tha ann a thaobh seo?
Chan eil ann ach leth-cheud àite airson bhanaichean-campachaidh no carbadan-dachaigh. Le sin, tha trioblaidean ann a thaobh càite am bu chòir do na daoine nach eil a' faighinn a-steach dhan làraich-champachaidh a dhol.
'S e am facal trioblaidean a bheir cuideachadh dhuinn am fiosrachadh a lorg bhon earrainn.
Question
Dè na goireasan a tha dhìth air an eilean?
Chan eil bionaichean gu lèor ann; chan eil taighean-beaga gu leòr ann agus chan eil uisge gu leòr ann.
'S iad na faclan a' dèanamh soilleir cho gann 's a tha goireasan airson luchd-turais a bheir cuideachadh dhuinn am fiosrachadh a lorg anns an earrainn.
Question
Carson a tha Eileanan Thròdaigh agus Bheannsaigh air an ainmeachadh?
Tha an aon thrioblaid acasan 's a tha aig an Eilean Ghorm.
'S iad na faclan Tròdaigh agus Beannsaigh a bheir cuideachadh dhuinn am fiosrachadh a lorg anns an earrainn.
Question
Cò ris a tha muinntir an Eilein Ghuirm a' dol a bhruidhinn?
Dh'aontaich na bha an làthair gum bu chòir bruidhinn ris a' Chomhairle.
Tha bruidhinn a' toirt stiùireadh dhuinn gum bi am fiosrachadh faisg air an fhacal sin.
