Àrd-thalamh eighichte
Feartan àrd-thalamh eighichte
Tha feartan àrd-thalamh eighichte comharraichte air an diagram gu h-ìosal.
Stùc phioramaideach - tha aghaidhean casa, triantanach oirre a tha air an roinn le dromannan biorach no arêtes.
Arête - tha aghaidhean casa, triantanach oirre a tha air an roinn le dromannan biorach no arêtes.
Coire - 's e lag a th' ann le cumadh sèithear mòr le gàirdeanan le cùl agus taobhan casa.
Lochan coire no lochan - tha uisge air cruinneachadh san lag air grunnd a' choire.
Fana alùbhium - 's e dùn a th' ann de dh'fhuigheall creige (alùbhium), le cumadh fana, a tha air càrnadh suas far a bheil taobhan casa a' ghlinne a' coinneachadh ri grunnd a' ghlinne.
Loch riobain - 's e loch fhada, chaol a th' ann ann am pàirt dhen ghleann a chaidh a ghearradh nas doimhne leis an eigh-shruth.
Spor sàbhte - chaidh an druim a shàbhadh dheth leis an deigh a shruth sìos am prìomh ghleann.
Sruth neo-chuimseach - tha e fada ro bheag airson an gleann a ghearradh.
Gleann crochte - tha grunnd a' ghlinne gu math nas àirde na grunnd a' phrìomh ghlinne.
Gleann air chumadh U - tha taobhan casa air agus tha an grunnd cha mhòr còmhnard. (Tha taobh eile a' ghlinne a dhìth san tar-dhiagram).
Eisimpleirean de cheistean
Tha na h-eisimpleirean cheistean a leanas a' sealltainn dhòighean air diagraman a chleachdadh gus mìneachadh mar a chaidh na feartan as cumanta a chumadh.
Question
Mìnich mar a chaidh coire a chruthachadh.
- Bidh sneachd a' cruinneachadh ann an lagan.
- Bidh sneachd a' dùmhlachadh agus a' dol na dheigh.
- Bidh an deigh a' gluasad le grabhataidh, agus ga dèanamh sleamhainn le uisge-aiteimh.
- Bidh deigh a' tionndadh chun na bile.
- Bidh sgrìobadh a' doimhneachadh coire.
- Bidh spìonadh a' dèanamh a' chùil agus nan taobhan nas caise.
- Dh'fhaodadh gun lìon lochan coire an lag.
Question
Mìnich cruthachadh stùc phioramaideach (adharc).
- Far am bi trì coireachan no barrachd gan cruthachadh timcheall mullach.
- Bidh na ballachan-cùil a' fàs nas caise air sgàth spìonadh.
- Bidh sgrìobadh a' dèanamh nan lagan nas doimhne.
- Bidh sìde-chaitheamh le reothadh is aiteamh a' cruthachadh mullach biorach.
- Far a bheil cliathaichean coire a' coinneachadh, tha iad a' dèanamh arête (faobhar sgeine).
- Le stùc phioramaideach sa mheadhan.
Question
Mìnich cruthachadh gleann air chumadh U.
- Tha eigh-shruth a' sruthadh ann an gleann air chumadh V na bu thràithe.
- Bidh an t-eigh-shruth a' spìonadh nan creagan bho thaobhan a' ghlinne agus ga dhèanamh nas caise.
- A' sgrìobadh ùrlar a' ghlinne le bhith ga dhèanamh nas leatha agus nas doimhne.
- Nair a leaghas an deigh, tha cumadh U air a' ghleann an àite cumadh V.
- Tha taobhan glè chas air agus ùrlar a tha an ìre mhath còmhnard.
- Canar 'sruthan neo-chuimseach' ri aibhnichean sam bith an dèidh seo oir tha iad ro bheag airson a bhith air an gleann a ghearradh.
