"Be Like Bill": Biz niyə Bill kimi olmalıyıq?

Be like Bill

Şəklin mənbəyi, Other

Şəklin alt yazısı, "Bill internetdə oturur. Bill ona toxunan bir şey görür. Bill işinə davam edir. Bill ağıllıdır. Bill kimi ol." - bu, "Be like Bill" seriyasının orijinal rəsmidir.

Bill kimdir? Xeyr, söhbət Gates və ya Clintondan getmir. Söhbət, internetdə rezonans yaradan adi bir rəsmdən gedir.

"Be like Bill" - və ya "Bill kimi ol" memi çoxunun Facebook səhifələrində peyda olub. "Bill", internetdə düzgün davranmağın və müasir həyat tərzinin digər suallarına nümunə kimi gətirilir.

Bill özü sizə "belə eləmə" deməyəcək - axı o, çox nəzakətlidir. O sadəcə nümunədir, amma demək istədiyi aydındır və adətən çox gülməli olur.

Şəkillər ötən ilin sonunda peyda olmağa başlasa da, yanvarda lap populyarlaşıb. Bu, "Be like Bill" adlı Facebook səhifəsinin yaradılmasından sonra baş verib - hazırda həmin səhifəni 1,25 milyon istifadəçi bəyənib.

Buyurun, səhifədə paylaşılan məsləhətlərdən biri:

Be like Bill

Şəklin mənbəyi, Other

Şəklin alt yazısı, Bill Facebook-dadır. Bill veqandır. Bill bu barədə hamıya demir. Bill ağıllıdır. Bill kimi ol".

BBC Trending, səhifənin yaradıcısı Eugeniu Croitorudan soruşub ki, onun özü az da olsa Bill kimidir?

"Yox, Bill məndən qat-qat üstündür", İtaliyada yaşayan moldovalı Croitoru deyir. O, karikaturaları həmkarı Debabrata Nath ilə yaradır. Croitoru özünü "internet təşəbbüsçüsü" kimi təsvir edir. Hazırda ideyalarından pul qazanmasa da, gələcəkdə bunun reallaşacağına ümid edir.

"İdeya əslində çox sadədir. 'Bill' sadəcə ağıllı, sağlam düşüncəli birisidir və zəhlə tökən şeylər eləmir. Fikir versəniz görəcəksiniz ki, Bill özünü də, başqalarını da hərdən lağa qoyan birisidir", Eugeniu Croituru izah edir.

Skip Ən çox oxunan and continue reading
Ən çox oxunan

End of Ən çox oxunan

Mem o qədər populyarlaşıb ki, bütün dünyaya yayılıb. Hər bir ölkədə Bill yeni adla tanınır.

Be like Bilal

Şəklin mənbəyi, Other

Şəklin alt yazısı, "Bu, Bilaldır. Bilal sevgilisinə zəng edəndə o, cavab vermədi. Bilal gözlədi ki, qız ona zəng eləsin. O, dəqiqəbaşı sevgilisinə zəng etmədi. Bilal ağıllıdır. Bilal kimi ol". (Şəkil: كن مثل بلال)
"Əsəd kimi olmayın", Suriya prezidentinin tənqidçiləri bunu paylaşır (Şəkil: DontBelikeAssad / Facebook)

Şəklin mənbəyi, Other

Şəklin alt yazısı, "Əsəd kimi olmayın", Suriya prezidentinin tənqidçiləri bunu paylaşır (Şəkil: DontBelikeAssad / Facebook)

Ərəbcə onun adı "Bilal" ya da "Bəşir" olur.

Malayziyada o, "Rəşid"dir. Azərbaycanda isə "Əhməd"dir.

İspan dilli sosial media istifadəçiləri isə "Jose" kimi olmağı tövsiyə edir.

Bill-in aldığı formaların əksəriyyəri onlayn davranışa aid olsa da, bəziləri siyasətə "qarışmağa" başlayıb.

Bir səhifədə Bill, Suriya prezidenti Bəşər əl-Əsəddir və mesaj Bill-in məsləhətlərinin əksidir: "Belə olmayın".

Eyni zamanda Bill-ə qarşı kampaniya da fəallaşır - onun "iddialı, özünəvurğun, özündənrazı" olduğunu deyənlərin də öz səhifələri var.

Croitoru bu siyasiləşdirilmələrə, parodiyalara necə yanaşır? "Məni heç qıcıqlandırmırlar. Mən ancaq onu deyə bilərəm ki, ideya müsbət bir şey yaratmaq üçün idi. Adamları güldürmək üçün idi. Siyasət üçün deyildi".

Bloq: Anisa Subedar, BBC Trending