Roma papası: artıq “üçüncü dünya müharibəsi” gedir
Şəklin mənbəyi, Reuters
Roma papası Francis bəşəriyyəti, “cinayətlər, qətliam və dağıntılardan ibarət, tədrici” kimi səciyyələndirdiyi, onun təbirincə, baş almış “üçüncü dünya müharibəsi” qarçısında süstlükdən azad olmağa çağırıb.
İtaliyadakə hərbi məzarlıqda Birinci Dünya müharibəsinin başlanmasına həsr olunmuş mərasimdə çıxış edən Roma papası indiki “müharibə”nin irrasional, olduğunu deyib. Onun səbəbləri arasında isə tamahkarlıq, dözülməzlik, silah satmaq meyli və hakimiyyətə yiyələnmək arzusunu adlandırıb.
“Müharibə ağılsızlıqdır”, - papa Francis Mussolininin hakimiyyəti zamanı ucaldılan Birinci Dünya müharibəsi qurbanları monumentinin önündə bəyan edib.
Sloveniya sərhədi yaxınlığında Redipuglia qəbiristanlığında Birinci Dünya müharibəsində həlak olmuş 100 min italyan əsgərlərinin cənazəsi basdırılıb.
Roma papasını dinləmək üçün minlərlə insan, o cümlədən, müxtəlif müharibə veteranları gəlib.
Babasının şəxsi işi
Ukrayna və Yaxın Şərq münaqişələri fonunda Roma papası tez-tez sülh çağırışları ilə çıxış edir.
Şəklin mənbəyi, AP
BBC müxbiri David Willey bildirir ki, Roma papası üçün Birinci Dünya müharibəsinə həsr olunmuş mərasimdə iştirak etmək həmçinin dərin şəxsi məna daşıyır.
Papanın babası Giovanni Carlo Bergoglio İtalia ordusunun tərkibində döyüşüb və 1917-1918-ci illərdə Avstriya-Macarıstan qüvvələrinə qarşı döyüşlərdə iştirak edib.
Müharibədən sonra Giovanni Carlo Bergoglio Argentinaya mühacirət edib.
