BBC araşdırması: Rusiya muzdluları - Vaqner qrupu Liviyada vətəndaşlara qarşı hərbi cinayətlər törədib
BBC Dünya xidmətinin araşdırması ortaya çıxarıb ki, Rusiya muzdluları - Vaqner qrupu Liviyada vətəndaşlara qarşı hərbi cinayətlər törədib.
BBC bu araşdırma materiallarını dərc etdikdən sonra Liviya prokurorları keçmiş Liviya lideri Müəmmar Qəddafinin oğlu Səif əl-İslam Qəddafi barədə həbs qəti-imkan tədbiri qərarı verib.
Bu videoda Vaqner qrupunun Liviyada törətdiyi hərbi cinayətlərdən bəhs edilir. Rusiya XİN bu iddiaları rədd edib.
Bu məqalədə Google YouTube məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl Google YouTube kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".
Paylaşımın sonu YouTube
Rusiyalı muzdlu döyüşçülər ilk dəfə 2019-cu ildə Liviyada peyda olub. Onlar üsyançı general Xəlifə Haftarın qüvvələrinə qoşulub və paytaxt Tripolidə BMT-nin dəstəklədiyi hökumətə hücum edib.
Vaqner qrupu ilk dəfə 2014-cü ildə ortaya çıxıb - onlar Ukraynanın şərqində Rusiyanın dəstəklədiyi separatçılara yardım edib. Ondan sonra isə onlar Suriya, Mozambik, Sudan və Mərkəzi Afrika Respublikasında vuruşublar.
Azərbaycan əsilli, rusiyalı jurnalist Orxan Camal və həmkarları 2018-ci ildə Mərkəzi Afrika Respublikasında Vaqner muzdluları barədə sənədli film çəkərkən öldürülüb.
Səif əl-İslam Qəddafi çoxdandır ki, Rusiya və Vaqner qrupu ilə əlaqəli olmaqda şübhəli sayılır. O, Moskvanın gələcək Liviya lideri kimi gördüyü namizəd kimi tanınır.
