Şəkillər: Myanmadan qaçan Arakan müsəlmanlarının yaraları

Myanmada ordunun və silahlıların hücumuna məruz qalan Arakan müsəlmanları Banqladeşə pənah gətirərək qaçqın düşərgələrinə sığınıb. Arakan müsəlmanlarının yaşadığı müsibətin izi və aldıqları yaraların üstü hələ bağlanmayıb.

Ensar Allah

Şəklin mənbəyi, SNS

Şəklin alt yazısı, Myanma ordusu Arakan müsəlmanlarının kəndlərini yandırmaqda və yüz minlərlə arakanlının xilas olunmaq üçün Bangladeşə üz tutmasında ittiham olunur. Reuters agentliyi sərhədi keçib Banqladeşə gələn müsəlmanların yaralarını lentə alıb. Ənsar Allah adlı oğlanın 11 yaşı var. O, silahla vurulub, ayağında iri bir yara var. Anası Samara deyir: "Evimiz yanarkən üzərimizə güllələr yağdırılırdı”.
Muhammed Heron, 6, ve erkek kardeşi Muhammed Akter, 4

Şəklin mənbəyi, Reuters

Şəklin alt yazısı, İki qardaş Məhəmməd Heron və Məhəmməd Aktər-in bədənlərində ciddi yanıqlar var. Onların əmisi deyib ki, Myanma ordusu kəndlərini raket atəşinə tutub, Heron və Aktərin daha iki qardaşı ölüb. Myanmar ordusu keçirdiyi əməliyyatlarla bağlı bir araşdırma aparıb və həmin araşdırmanın sonunda özünü təmizə çıxarır. Lakin BBC müxbirlərinin gördüyü sübutlar araşdırmanın nəticələrinin həqiqətə uyğun olmadığını göstərir. BMT Arakan müsəlmanlarının "etnik təmizləmə" siyasətinə məruz qaldıqlarını bildirib.
Anwara Begum

Şəklin mənbəyi, Reuters

Şəklin alt yazısı, 36 yaşlı Envarə Begüm ağır yanıqlar alıb. Onu evində yatdığı vaxt yuxudan oyadan evin od tutub alışması olub. Alov içində olan evindən bayıra qaçmağa çalışarkən üzərindəki neylon parçadan olan paltar yanıb. Begümu əri 6 gün ərzində belində Banqladeş sərhədinə doğru daşıyıb. "Öləcəyimi düşünürdüm, - Begüm deyir. - Uşaqlarım üçün həyatda qalmağa çalışdım"
Imam Hüseyin

Şəklin mənbəyi, Reuters

Şəklin alt yazısı, 42 yaşlı İmam Hüseyn öz kəndində İslam dərsi keçdiyi məktəbdən qayıdarkən üç kişinin bıçaqlı hücumuna məruz qaldığını deyir. Səhərisi gün arvadı və iki uşağının digər həmkəndliləri ilə birlikdə Banqladeşə qaçmasına kömək edir. Onların ardınca özü də Banqladeşə gəlir. "Myanma hökümətindən soruşmaq istəyirəm, Arakan müsəlmanlarına niyə zülm edilir? Buddistlər bizə niyə nifrət edir? Nədən bizə işgəncə verirsiniz? Bizim nəgünahımız var?" - İmam Hüseyn soruşur.
Nur Kamal

Şəklin mənbəyi, Reuters

Şəklin alt yazısı, ABŞ Dövlət Katibi Rex Tillerson çərşənbə günü Myanmada müsəlmanların vəziyyətilə bağlı müstəqil araşdırmanın keçirilməsinə çağırıb. Bir çox şahidlərin ifadələri Myanma hərbiyyəsinin açlıqlamaları ilə uyğun gəlmir. Nur Kamalın başında, aldığı yaralardan dərin çapıq yerləri qalıb. O, evində gizlənərkən Myanma əsgərlərinin hücumuna məruz qaldığını bildirir. "Tüfənglərinin qundağı ilə başma zərbə endirirdilər", - deyir 17 yaşlı Kamal.
Abdu Rahaman

Şəklin mənbəyi, Reuters

Şəklin alt yazısı, Əbdu Rəhman diğər qaçqınlarla bərabər pusquya düşüb. Onlara baltalarla hücum çəkənlərdən qaçdıqları zaman ayağından ağır yara alıb, ayaq barmaqlarını itirib. Banqladeş sərhədinə Əbdu Rəhmanı qardaşı oğlu və dostları bellərində daşıyıblar. "Gələcəyimiz yaxşı deyil, - Rəhman deyir. - Allah bizə kömək olsun. Beynəlxalq birlik bizə kömək etməlidir".
Mümtaz Begüm

Şəklin mənbəyi, Reuters

Şəklin alt yazısı, 30 yaşlı Mümtaz Begüm deyir ki, əsgərlər onun yaşadığı kəndə gəlib pul tələb ediblər. "Yoxsul olduğumu söylədim. Onlardan biri məni döyməyə başladı. "Pulun yoxdusa, səni öldürəcəyik", dedilər." Daha sonra əsgərlər Mümtazı evində qıfıllayıb, evin damına od vurdular. Qaçandan sonra, üç oğlunun öldüyünü, qızının qan içində döyüldüyünü öyrənib. "Artıq evimiz, yeməyimiz, ailəmiz yoxdursa, gələcəklə bağlı nə deyə bilərəm ki? Gələcəyimizi öldürdülər", - Mümtaz Begüm deyir.