İlin ulduz yağışı: Perseid meteorit yağışı britaniyalıların çəkdiyi şəkillərdə

Perseid above the Jill Windmill in West Sussex — Şəklin alt yazısı, Bazar günü ulduz yağışı Britaniyanın Qərbi Sussex bölgəsində də, Jill yel dəyirmanı üzərində qeydə alınıb.

14 Avqust 2017

13 avqust gecəsi planetimizin müxtəlif hissələrində Perseid adı daşıyan meteorit yağışı müşahidə edilib. Həmin astronomik hadisəni Britaniyada da izləyənlər olub.

Ulduz yağışının pik fazası şənbə gecəsinə düşüb. Perseid meteorit yağışı hər il iyul-avqust aylarına təsadüf edir. Bu, Yer planeti trayektoriyasının Swift-Tuttle kometası hissəciklərindən ibarət toz kütləsi ilə kəsiməsi zamanı baş verir.

Perseid on Exmoor — Şəklin alt yazısı, BBC-dən Keith Trueman ulduz yağışını Kəhkəşan fonunda İngiltərənin cənub-qərbində, Exmoor bölgəsində çəkib.

Perseid in Chilton, Oxfordshire — Şəklin alt yazısı, Bob Girling bu ulduz yağışını Chilton, Oxfordshire -də lentə alıb.

Perseid — Şəklin alt yazısı, Michiko Smith bu fotonu Normanton, West Yorkshire-də yerləşən evinin arxa bağından çəkib.

Mütəxəssislər bildirirdilər ki, Ay 3-cü fazasında olduğundan bu il Perseid ulduz yağışını müşahidə etmək nisbətən çətin olacaq. Lakin sinoptiklərin qeyd etdiyi kimi, havaların yaxşı keçməsi ulduz yağışı həvəskarlarının karına çatdı.

Birləşmiş Krallığın Populyar Astronomiya Cəmiyyətinin vitse-prezidenti Robin Scagell-in sözlərinə görə, meteor yağışının intensivlik piki avqustun 12-ə təsadüf edib. Bununla belə, bu astronomik hadisəni avqustun 20-dək müşahidə etmək mümkün olacaq.

Onun təbirincə, meteoritlər, şəhər ərazisindən uzaq olan nöqtələrdən daha yaxşı görünür.