Pesë ditë nga zgjedhjet e 28 qershorit, Presidenti i Shqipërisë Bamir Topi mblodhi krerët e institucioneve kushtetuese të vendit dhe u kërkoi atyre të ushtrojnë të gjitha detyrimet kushtetuese për mbarëvajtjen e procesit zgjedhor në vend. “Pavarësisht se kush do të jetë fituesi apo humbësi, dita e zgjedhjeve duhet të jetë nje ditë feste dhe jo një ditë beteje,” - tha të hënën presidenti Topi. Kreu i shtetit kërkoi veçanërisht nga policia dhe Shërbimi Informativ të mos ndërhyjnë te qytetarët për çështjen e votës: “Nëpunësit e institucioneve që ju përfaqsoni të shprehin vullnetin e tyre të heshtur dhe në mënyrë absolute të mos ndërhyjnë direkt apo psikologjikisht te qytetarët e thjeshtë.” Presidenti shqiptar Bamir Topi tha se Evropa po vështron dhe se zgjedhjet janë kusht për liberalizimin e vizave për qytetarët.
| 
Maqedoni: Shtyhet regjistrimi i popullsisë