Z. Rama nuk hoqi dorë nga posti i i kryebashkiakut

Lajmi fillimisht se Rama ndoshta nuk mund të kandidonte u bë i ditur nga funksionari i lartë në Partinë Socialiste, Ben Blushi.

Që të përfshihej në listën e kandidatëve të koalicionit të majtë që ai drejton, zoti Rama duhet të jepte dorëheqjen nga posti i Kryetarit të Bashkisë së Tiranës.

Dhe kjo do të thotë që në rast se Partia Socialiste dhe aleatët e saj i fitojnë zgjedhjet, zoti Rama pritet të bëhet kryeministër dhe do të jetë i detyruar të japë dorëheqjen nga posti i kryebashkiakut të Tiranës.

Nëse Partia Socialiste nuk i fiton zgjedhjet, atëherë ai duhet të japë dorëheqjen si kryetar partie dhe, pasi të kishte lënë postin drejtues në Bashkinë e Tiranës, do të kishte vetëm një vend deputeti në parlamentin e ardhshëm.

Kjo çështje ka qenë në qendër të komenteve të shtypit dhe politikës në Tiranë.

Kundërshtarët e udhëheqësit socialist e shohin këtë si shenjë pasigurie të zotit Rama.