Komisioni Qendror i Zgjedhjeve ka miratuar në Tiranë koston financiare të votimeve të 28 qershorit. Konvertuar në dollarë amerikanë këto votime do të kushtojnë afro 7 milion dollarë ose rreth dy dollarë për zgjedhës. Buxheti i zgjedhjeve u votua nga votat pro të shtatë anëtarëve të KQZ-së. Ai vlerësohet të jetë më i ulët se ai për votimet lokale të 2007-tës dhe buxheti për votimet e përgjithshme politike të 2005-sës. Vlefta e një fletëvotimi është llogaritur afro 10 centë ndërsa shpenzimet për shpërblimin e afro 40 mijë komisionerëve janë një e treta e shpenzimeve. Në votimet e 28 qershorit për herë të parë procesi i numërimit të votave do të vëzhgohet nga 385 kamera, kostoja e të cilave vlerësohet se rriti koston e votimeve. Përgatitjet për zgjedhjet e 28 qershorit po monitorohen hap pas hapi nga ndërkombëtarët. Një grup vëzhguesish të OSBE- ODHIR- mbërriti të hënën në Tiranë dhe pritet të zhvillojnë takime me përfaqsuesit më të lartë të shtetit dhe opozitës.
| 
Maqedoni: Shtyhet regjistrimi i popullsisë