Autoritet shqiptare thonë se ka klimë për investime të huaja

Duke folur për këtë tubim në programin e mëngjesit të BBC-së, ambasadori i Shqipërisë në Mbretërinë e Bashkuar, Zef Mazi, tha se në Shqipëri tashmë ka klimë për depërtimin e kapitalit të huaj:

"Fjala është për forumin e parë që kemi organizuar për të nxitur investimet e huaja, veçanërisht ato angleze, drejt Shqipërisë, në një kohë kur mendojmë që është një situatë mjaft e favorshme ekonomike,"- tha zoti Mazi.

Sipas tij, ekziston një interesim përtej parashikimeve i biznesit anglez për të depërtuar në Shqipëri.

Në këtë tubim është paralajmëruar pjesëmarrja e mbi 150 përfaqësuesve të firmave, bankave e institucioneve të politikës britanike.

Ndërkaq, nga Tirana do të asistojnë përfaqësues të bizneseve si dhe disa ministra.