Në Kosovë, në organizim të Qeverisë dhe të Trupave Mbrojtëse të Kosovës, nën moton "Bac, u kry!" fillon manifestimi tradicional "Epopeja e UÇK"-së. Korrespondenti i BBC-së në Prishtinë rikujton se me këtë shënohet 10 vjetori i rënies së komandantit të parë të ish-UÇK-së. Adem Jashari, dhe i vrasjes së afro 50 anëtarëve të familjes së tij. "Epopeja e UÇK-së", është një manifestim që organizohet që nga përfundimi i luftës në Kosovë, në vitin 1999, dhe këtë vit do të çelet me parakalimin e pjesëtarëve të TMK-së në Prishtinë, për të përfunduar më 7 mars në Prekaz me "Natën e Zjarreve". Manifestimi i sivjetëm po bëhet pak javë pas shpalljes së pavarësisë së Kosovës. | 
Maqedoni: Shtyhet regjistrimi i popullsisë