Fatos Ahmati Korrespondent i BBC-së në Tiranë

	Ish-deputeti i zonës 31, Bamir Topi, u zgjodh president para një muaji

PD-ja ka vendosur si kandidat te saj në këtë zonë Edi Palokën, aktualisht drejtor i agjensisë zyrtare të lajmeve ATSH.

Por më parë kreu i Lëvizjes për Zhvillim Kombëtar, Dashamir Shehi, është vetë-shpallur si kandidat i së djathtës në këtë zonë.

Në polemika pritet të ndërhyjë edhe kryeministri, Sali Berisha, i cili ka paralajmëruar zhvillimin e bisedimeve me zotin Shehi dhe arritjen e një marrëveshjeje të mundshme.

Por ky i fundit duket se është i vendosur në synimin tij.

Opozita me kandidat socialist

Nga ana e saj opozita duket se është e një mendjeje që në këto zgjedhje të shkojë me një kandidat socialist.

Por pas refuzimit të ish-presidentit Rexhep Mejdani, ende nuk është përcaktuar se cili do të jetë përfaqësuesi i saj.

Ndërkaq partitë e opozitës pritet të mblidhen për të përcaktuar strategjinë e tyre në këto zgjedhje.