Policia thotë se nuk ka tregues se OSBE ka qenë cak i sulmit

OSBE-ja dhe Shërbimi Policor i Kosovës thonë se deri më tani nuk ka indikacione se kjo organizata ka qenë cak i sulmit.

Një granatë dore është hedhur rreth orës 3 të mëngjesit në autoparkingun e OSBE-së në qytetin e Pejës në Kosovën Perëndimore.

Sipas policisë nuk ka pasur të lënduar, por vetëm dëme materiale.

Policia po bën hetimet për të identifikuar kryerësit e kësaj vepre.

Shpërthimi është dënuar nga institucionet vendore dhe ndërkombëtare në Kosovë.

Shpërthimi në Pejë vjen pak ditë pas atij në Prishtinë, ku u dëmtuan tre makina të Misionit të Kombeve të Bashkuara në Kosovë.

Incidenti ndodhë një ditë para se në Prishtinë të arrijë për vizitë kryesuesi i radhës së OSBE-së, Ministri i Punëve të Jashtme të Spanjës, Miguel Angel Morationos.