Bush kërkon të investohet për burime të ripërtëritshme energjie

Ky ligj ka si qëllim të zgjerojë përdorimin e bio-karburanteve, energjisë që përftohet prej erës dhe diellit si dhe shfrytëzimin e burimeve të ripërtëritshme të energjisë.

Ligji kërkon edhe marrjen e masave për ruajtjen e energjisë dhe tërheq koncensionet e taksave nga kompanitë kryesore të naftës, të cilat pritet t'i kushtojnë 16 miliardë dollarë në vit.

Ligji është propozuar nga presidenti Bush dhe përpara se të hyjë në fuqi ka nevojë që të koordinohet me një ligj tjetër për energjinë që është kaluar nga Senati në muajin qershor.

Mbështetësit e Ligjit thonë se ai shikon drejt të ardhmes dhe është një lajm i mirë për konsumatorët e energjisë.

Një kundërshtar i tij e përshkroi si një helm të pastër për industrinë e gazit dhe naftës.

Të premten presidenti Bush tha se ka ftuar udhëheqësit e vendeve që janë ndotësit më të mëdhenj të botës në një konferencë në Uashington.

Ai shpreson që kjo konferencë që do të mbahet muajin e ardhshëm t'i hapë rrugën një marrëveshjeje të re globale për ndryshimin e klimës.