Evropianët duan të sigurohen se rusët s'i përdorin politikisht burimet

Kjo ndodhi gjatë samitit të udhëheqësve të Bashkimit Evropian, që u zhvillua në Finlandë.

Rusia mbulon 1/4 e nevojave që BE-ja ka për naftë edhe gaz, por ka patur shqetësime muajt e fundit lidhur me kërcënimet për sigurinë e naftësjellësve.

Zoti Putin ka këmbëngulur se Rusia ka nevojë për biznesin e BE-së, por nuk ishte ende gati të zbatonte një marrëveshje për energjinë, për të cilën palët kanë rënë dakord në fillim të viteve 90.

Samiti i vendeve të Bashkimit Evropian u përqëndrua në të ardhmen e burimeve të energjisë për Evropën.

Presidenti i Komisionit Evropian, Jose Manuel Barroso, tha se të dyja palët dëshirojnë që të shmangin politizimin e lidhjeve të energjisë.

Ai the se nuk duhej lejuar që energjia ta ndante Evropën me Rusinë, siç bëri dikur komunizmi.