Pasojat po ndjehen që tani në ekonominë e disa vendeve

Në një raport të Bankës, thuhet se pasojat që do të kishte një epidemi e tillë në fushën ekonomike, përbënin shkak për t'u shqetësuar seriozisht.

Në raportin e fundit, ekspertët e BB-së thonë se përpjekjet e njerëzve për të shmangur infektimin e mundshëm, do të kenë pasoja të shpejta serioze në industrinë e shërbimeve.

Në raport përmendet industria e turizmit dhe transportit masiv.

Kosto e madhe

Banka Botërore ka llogaritur pasojat e epidemisë së fundit, asaj të sëmundjes të ngajshme me pneumoninë, SARS.

SARS-i u përhap në vendet e Azisë Lindore në vitin 2003 dhe shkaktoi rreth 800 viktima.

Ndërkaq, ekspertët e Bankës thonë se humbjet në ekonominë e rajonit prej SARS-it, llogariten me dy përqind të të ardhurave të përgjithshme.

Por ata paralajmërojnë për pasoja më të rënda në rast të një epidemi të Gripit të Shpendëve.

Ekspertë të mjekësisë thonë se një epidemi e mundshme e Gripit, mund të shkaktojë miliona viktima.

BB thotë se ekonomia e rajonit të Azisë Lindore po i vuan që tani pasojat nga virusi H5N1 i gripit të shpendëve.