Gjendet virus i gripit të shpendëve në Rumani

Komisioni thotë se testet kishin dalë pozitive për disa mostra të marra nga patat në deltën e Danubit.

Një njoftim i pakonfirmuar thotë se Komisioni Evropian ka vendosur të ndalojë importet e shpendëve të gjallë dhe mishit të shpendëve nga Rumania.

Ekspertët e BE-së të mërkurën mbështetën një ndalim të importeve të shpendëve dhe puplave nga Turqia deri në prilllin e ardhshëm.

Dyshimet për epidemi në Turqinë verilindore dhe Deltën e Danubit në Rumani kanë ngritur frikën se virusi, që shkaktoi vdekjen e 60 personave në Azi, mund të përhapet në Evropë.

Një zëdhënësi i BE-së tha të mërkurën se frika për një epidemi në Bullgari ishte deri tani e pabazë, megjithëse autoritetet atje po bëjnë teste në tre shpendë të egër të ngordhur.

Në klimën e tanishme të shqetësimit, tha ai, kjo ishte një procedurë normale, por nuk ka asnjë shenjë për gripin e shpendëve në Bullgari.