Këshilli i Ministrave të BE-së hapi dritën e gjelbër që shqiptarët të udhëtojnë pa viza në vendet e Shengenit evropian.

Sipas vendimit të BE-së, shqiptarët me pasaporta biometrike mund të udhëtojnë për vizita 90-ditëshe në vendet e BE-së.

Heqja e vizave me BE-në është përshëndetur nga i gjithë spektri politik shqiptar, përfshirë presidentin Bamir Topi, kryeministrin Sali Berisha dhe kreun e opozitës Edi Rama.

Udhëheqja shqiptare e konsideron këtë vendim të BE-së si njohje të përparimit të Shqipërisë drejt BE-së.

Megjithatë, zyrtarët e BE-së paralajmërojnë shqiptarët që të mos abuzojnë me këtë liri të tyre. BE-ja ka ngritur një sistem monitorues për qytetarët e Ballkanit Perëndimor.

Në rrugët e kryeqytetit shqiptar, Tiranë, rrugët janë mbushur me shenja trafiku me drejtim "Evropën".