Brazili, ekipi që kryeson renditjen e FIFA-s, pesë herë kampion i botës ndeshet me Korenë e Veriut, i renditur si ekipi i fundit e që paraqitet në skenën e madhe të futbollit për herë të dytë në historinë e Kupës së Botës në futboll.

Brazili - Kore e Veriut është ndoshta ndeshja më e fortë mes dy kulturave krejt të ndryshme në futboll.

Trajneri i Brazilit, Dunga, e ka të plotë ekipin pas shërimit të portierit Julio Cesar nga një lëndim në shpinë në takimin përgatitor me Zimbabven.

Korea e Veriut që, zakonisht, i mban sekret formacionet, bazohet tek shumica e lojtarëve që e ndihmuan të kualifikohet në Botëror dhe luan me skemën 4-5-1.