Ayyaanni Irreechaa bara 2017 suuraan yoo ibsamu

Daataa qusachuuf barreeffama qofa dubbisi

Ayyaanni Irreechaa ayyaana Oromoon kaabaa-kibbaa, Bahaa-lixaa wal gahuun ayyaaneffatu dha. Waltajjii Oromoonni itti wal argan qofa osoo hin taane, bakka uffannaa fi faayaan aadaa ummatichaa itti mul'atus. Suuraawwan muraasa Irreechaa bara kanaa irraa argannee akkasiin isiniif dhiyeessineerra.

Abbootiin gadaa gara lafa irreefannaatti yoo deeman
Ibsa waa'ee suuraa, Oromoon aadaa fi seera ittiin bulu qaba. Aadaa uummatichaa keessatti bakki jaarsooliifi abbootiin gadaa qaban isa olaanaa dha. Kanaaf eegaa Abbootii Gadaatiin hogganamuun, foollee filatamaniin qajeelfamuun irreenfannaan baranaa akkasiin kan eegaleef.
Dubartootaa fi shamaranni gara bakka irreefannaa wayita deemaa jiran
Ibsa waa'ee suuraa, Wayita gara irreeffannaa deeman, haadholiin siiqqee, dubartootni fi shamarran abbootii gadaa fi jaarsolii dura deemu.
Shamarran dibaabee qabatanii deeman.
Ibsa waa'ee suuraa, Roobni ganamaa kaasee roobaa ture, hirmaattota ayyaanichaa hin danqine, shamarran kun lamaan dibaabee isaanii qabatanii dhaqan.
Dargaggoo uffannaa aadaatiin miidhagan
Ibsa waa'ee suuraa, Dargaggoota uffannaa aadaa, bokkuu fi kallachaan miidhaguun akkasiin gara irreeffanaa deemaa turan.
Shamarran uffata aadaa oromoo Harariin
Ibsa waa'ee suuraa, Shamarran kunneen uffata aadaa Oromoo Harargeen bareeduun, aadaan teenya ammalleen dagaagaa jirtii jedhu fakkaatu.
Garee dargaggootaa
Ibsa waa'ee suuraa, Dargaggoo Oromoo gareedhaan uffannaa aadaa fi barneexaaa qopheefataniin miidhagaanii maree hoo jechaa gara horaatti qajeelaa turan keessaa muraasa.
Daraaraa keelloo fi marga jiidhaa
Ibsa waa'ee suuraa, Daraaraan keelloo fi margi jiidhaan yookin irreessi waaqa roobee marga biqilcheef akka kennaatti kan kennamu dha.
Sirna irreefannaa
Ibsa waa'ee suuraa, Lafa itti ireeffatamuttis, kuun suuraa yaadannoo kaafachaa, kuun marga jiidhaan irreeffachaa, warra irreeffachuuf dabaree eegatuuf bakka gadi dhiisuuf wal jalaa siqaa, irreefannaan baranaa akkasiin raawwate.
Shamaran Oromo karrayyuu
Ibsa waa'ee suuraa, Shamarran Oromoo Karrayyuus kunoo akkasiin nutis guddina aadaa keenyaatiif dhaabannee jira jedhan.
Oromoo Kamisee
Ibsa waa'ee suuraa, Oromoon Kamisee aadaa fi dudhaa isaanii eeggachuun uummata jiraataa jirani dha. Fageenya dheeraa qaxxaamuruunis Irreecha baranaa irratti argamanii jiru.
Shamarran Oromoo fayaa fi uffannaa aadaa Oromootiin bareedan
Ibsa waa'ee suuraa, Hirmaattonni ayyaana irreechaa bara kanaa ayyaanichi gammachiisaa ture jedhu. Seeqi fuula shamarran kanaa irra jirus kanuma ibsa.
Oromoota lamdii uffatan
Ibsa waa'ee suuraa, Kunis aadaa uffannaa Oromoo Shawaa keessaa tokko. Uffannaan aadaa kunis tibba sirna kabaja ayyaana guddaa akka irreechaa fi tibba nama goota ta'eef gootummaan isaa himamuuf kan uffatamuudha.