Gabaasa kallattii har'aa kanumaan xumurra
Guyyaa borus odeeffannoowwan isin baru qabdu jennee yaadne bal'inaan isin biraan geenya
Ammas irra deebiin BBC Afaan Oromoo maatii fi firoottan warra lubbuu dhabaniif jajjabina hawwa.
Halkan gaarii!
Balaa Xiyyaaraa ET302: gabaasa kallattii guyyoota lamaan jalqabaa
Balalinsi xayyaaraa ET-302 Finfinneerraa gara Naayiroobii imalaa ture, naannoo Bishooftuutti kufee caccabuun lubbuun imaltoota 157 darbeera.
Haguuggii Tamsaasa Kallattii
Hojjettonni Waajira BBC gadda isaanii ibsatan, Hojjettonni Waajjiira BBC HOA (Gaanfa Afrikaa) gadda isaani ibsan
Hojjeettonni BBC HOA (Gaanfa Afrikaa), waajjira Naayiroobiitti argamutti, dungoo ibsuufi callisaan midhaamtoota balaa ET-302 yaadataniiru.
Ammas irra deebi'uun maatii fi firoottan warra lubbuu dhabaniif BBC'n jajjabina hawwa.
MM Abiy fi alaabaa biyyattii gadi siqee mirmirfamu
Ogeessi suuraa Ministira Muummichaa Aroon Simee suuraa MM Abiy Ahimadiifi Hoogganaa WFP David Beasley qoodeera.
Alaabaan biyyattiis halaalaan gadi siqee mirmirfamu mullata.
Madda suuraa, Aron Sime
''Manarraa xiqquma olka'ee, asitti lafa seene''
Dargaggeessa jiraataa naannichaa balaa kana kan ijaan arge dubbisneerra.Kana nuun jedhe.
'Ayyaantuun barattuukoo qaxalee turte'
Barsiisaa Yunivarsiitii Dabrataabor Alamaayyoo Girmaa jedhaman barattuu isaanii kan turte Ayyaantuu Girmaay lubbuu dhabuusheetti gadda itti dhagahame ibsaniiru.
''Ayyaantuun barattuu qaxalee turte. Amallishee, akkatti namaa wajjiin waliigaltu, kabaji barsiisootaaf qabdu adda.
Guyyaa carra-dhabeessa kaleessaarratti, dargaggoonni hedduun lubbuu dhaban. Isaan keessaa barattuun koo jaalatamtuu Ayyaantuu Girmaay turte. Rabbii jannataan haa qananiisu,'' jechuun waan itti dhagahame ibsaniiru.
Madda suuraa, FB- Ayantu Girmaye
Suuraalee iddoo balaa: Laaptooppii fi motoora
Waahillan keenya iddichatti argaman suuraalee garagaraa nuuf ergaa jiru.
Hojjettoonni Daandii Xayyaaraa Itoophiyaa waahillan lubbuu dhaban yaadachaa jiru
Odeeffannoo kana gaazexeessaa Eliyaas Masarat irraa arganne.
Madda suuraa, Elias Meseret Taye
UN namoota balaa xiyyaaraan miidhamaniif kadhannaa taasise
Dhaabbata Biyyoota Gamtoomaniitti Dameen Baha Afriikaa namoota guyyaa kaleessaa utuu Finfinneerraa gara Naayiroobii imalanii balaa xiyyaaraatiin lubbuun isaanii darbeef sirna kadhannaa taasiseera.
Sirna kadhannaa kanarratti hordoftoota amantii garagaraatu qooda fudhatan.
Ammas naasuu keessa jirra, Yaada jiraattoota Magaalaa Asallaa
Amma nu gahe, Saanduqni odeeffannoo 'black box' argame
Gommaa fi qaamoleen xayyaaricha bahaa jiru
Iddoo balaa kanatti odeeffannoo sassaabuuf maashina gurguddaan laficha qotaa jiru.
Kanumasanis hanga yoonaa gommaa fi caccabaan xayyaarichaa bahaa jiru.
"Baayyee baayyee ulfaata"
Eba Eba Fayisa hiriyaasaa Sidraaq Geetachoo kan balaa ET 302tiin lubbuun isaa darbeef, Feesbuuki gubbaatti gadda isaa ibseera.
Hojiin ammas itti fufee jira
Hojiin reeffa namootaa fi meeshaalee walitti qabuu iddoo balaa kanatti taasifamu ammas itti fufeera.
'Deemuukee amanaa hin jiru,'
Balaa ET 302'tiin du'a hiriyaa isaa Ahimadnuur Mohammadiin kan gadde Yohaannis Tesfaayee, fuula Feesbook isaaratti "Abjuu hamaa utuu ta'ee jedheen hawwe" jechuun gadda itti dhaga'ame ibseera.
"Ati hiriyyaa gaariidha"
"Biyyoon sitti haa salphatu. Sin yaada! Yeroo hunda lapheekoo keessa jirta"
Madda suuraa, FB Yohannes Tesfaye
Israa'el gargaarsa taasisaa jirti
Dhaabbata baraaraa tola ooltummaa Israa'el -ZAKA jedhamurraa gareen lama Itoophiyaa galaniiru.
Gareen kunis qaama imaltootaa lammiilee Israa'el lubbuu dhaban adda baasuuf gargaaru jedhameera.
Madda suuraa, Getty Images
'Hiriyaakoo, obboleessakoo dhabuukootti nan gadda'
Balaa Xiyyaaraa kanaan hiriyaasaa dhabuutti hedduu akka gadde fuula feesbuukiisaarratti kan barreesse hiriyaan Yaareed Mulugeetaa Daagim Birhaan, gaarummaa, namummaa fi jaalala hiriyaasaa yoomuu yaadachaa akka jiraatu ibseera.
Firoota, jaal'attootaa fi dinqisiifattoota isaafis jajjabina hawweera.
UN miidhamtoota balaa xiyyaaraa Dilbataaf gadda isaa ibse, Maatii UN hundatti gaddi guddaan itti dhaga'ameera jedhu.
Qoondalli UN ECA balaa kanaan maatii UN hundatti gaddi guddaan itti dhaga'amu ibsaniiru.
"Hojjeetonni eejansoota Biyyoota Gamtoomanii (UN) balaa kanaan du'an jiru."
"Akkasumas hojjettoonni dhabbilee idil addunyaa biroo du'uu isaanii dhageenyeerra."
Qondalli kun dabalataniis "Maatii, hiriyyoootafi wayiiltoota namoota balaa kanaan midhamanii yaadaafi kadhannaan isanii waliin jirra," jedhaniiru.
Maatilee hojjeettota lubbuu isaanii dhabaniif qunnamuun gargaarsa akka dhiyeessaniis ibsaniiru.
Maqaa gartuu hoggantoota UN'n hundumtuu maatiiwwan kanaaf yaaduun suuraleefi maqaa maatii isaani du'anii midiyaa hawasumma irratti akka hin gadhiisne nan gaafadha"
Balaa xiyyaaraa booda gaaffiin hedduu 'Boeing' irratti dhiyaachaa jira, Dhaabbata 'Boeing' irratti balaa xiyyaraa ET 302 booda gaaffiin ka'aa jira.
Dhabbanni xiyyaara oomishu 'Boeing' eega xiyyaarri Itoophiyaa 737 kan ta'e gaafa Dilbataa kufee namoonni xiyyaarricha keessa turan 157 du'anii booda, dhaabbattichatti gaaffiin hedduu irratti ka'aa jira.
Balaan kun ji'oota shan keessatti xiyyaarri Boeing 737 max 8, kan ta'e yoo kufu inni kun isa lammaffaadha.
Balaan kun Onkololeessa keessa balaa xiyyaarra Indooneezhiiya 'Lion Air' jedhamu irratti qaqqabe waliin wal bira qabamaa jira.
Yeroo ammaatti Itoophiyaa fi Chaayinaan xiyyaarroota gosa kana hunduma isaanii balali'uu irra dhorkaani jiru.
Haa ta'u malee ogeeyyiin xiyyaaronni kunniin hojiirraa dhorkamuun isaanii waan saffisee fakkaata jedhu.
Madda suuraa, Getty Images
Baaraak Obaamaa ergaa gaddaa dabarsan
''Anaa fi Misheel namoota balaa xayyaaraa Itoopphiyaan lubbuu dhaban hunda beekaniif, gadda nutti dhagahame ibsina.
Maxxansa X irra dabriQabiyyee X hayyamtaa?Hubachiisa: Qabiyyee marsariitiiwwan alaatiif BBCn itti gaafatamummaa hin fudhatu.Barreeffamni kun qabiyyee [social_media-site]n dhiyaatan qaba. Tarii 'cookies' fi teknolojiiwwan biraa fayyadamuu waan danda'aniif, osoo tokkoonsaa gadi hin buufamiin dura hayyama keessan gaafanna. Osoo hin simatin dura Ximaammata cookies fi imaammata mateenyaa dubbisuu barbaadda ta'a. Qabiyyee kana ilaaluuf 'waliigaluun itti fufi' filadhu.
Xumura maxxansa X
Suuraalee iddoo balaa
Suuraaleen iddoo balaarraa kaafaman meeshaalee imaltootaa fi caccabaa kanneen biroo agarsiisu.
Madda suuraa, Reuters
Ibsa waa'ee suuraa, Kophee imaltootaa xayyaara caccabaa keessaa 
Madda suuraa, Reuters
Madda suuraa, Reuters
