Arsenaal galchii 4-1 Astoon Viilaa dursaa jira; Maanchister Yuunaayitid 1-1 Woolvis

Haguuggii Tamsaasa Kallattii

1. 31 Muddee 2025Arteettaan erga Astoon Viilaa mo'atanii maal jedhe?

   "Baay’ee gammadeera. Guyyaa said sadiin taphachaa turre. Har’a ammoo morkattoota taphoota 11 walitti aansanii mo’an waliin taphanne.

   Garee baay’ee cimaadha. Isaaniin morkachuun hedduu ulfaata. Yeroo akkasii akka qabaannu ni beekna ture,’’ jedhe leenjisaan Arsenaal kun.

   Miiruma keenyaafiyyuu hammam akka barbaachisu dursinee mariyannee ture. Daqiiqota jalqabaa 10 baay’ee rakkannee ture.

   Sana booda qindoominni keenya qajeelaa deeme. Taphichas to’annoo keenya keessa gochaa deemne. Boqonnaa dura galchii lakkoofsisuu hin dandeenye ture. Garuu boqonnaa booda waan hunduu nuuf qajeeleera jedhe.

   ‘’Waan hundumaaf dirree keessatti dorgomaa turre. Haallitti yerootti fayyadamne, galchii gahumsa dhuunfaan lakkoofsisan hunduu waanuma ajaa’ibaati.

   Taphoota kana duraa irraa karaa adda taheen isa kana irratti waan goone hundaan sirrii ture jedhe.

   Gabri’eel Yesus, Astoon Viilaan yeroo hundaa as yeroo dhufan akka malee nu injifatanii deebi’uuf hojjetu. Har’a kan mo’anneef xiin-sammuu keenya irratti hojjechuudhaani jedhe.

2. 31 Muddee 2025Arsenaal 4-1 Astoon Viilaa

   Gabri'el Yesus akkuma jijjiiramee galeen galchii lakkoofsise. Gabri'el Magalesh miidhamarra deebi'ee ammas Arsenaaliin cimseera.

   Ittisni Arsenaal akkaan jabaate. Galchiis lakkoofsiseera. Taphattoonni Biraazil lamaan humna haaraan dhufan.

   Zuubimandiini fi Tiroosaad taphattoota biroo galchii lakkoofsisanidha.

3. 31 Muddee 2025Maanchister Yuunaayitid 1-1 Woolvis

   Maanchister Buruunoo Fernaandez malee kubba taphataa mijeessee kennu hin arganne.

   Paatrik Doorguu galchii lakkoofsisus VAR taphaan ala jechuun haqeera.

4. 31 Muddee 2025Arsenaal 2-0 Astoon Viilaa-55'

   Arsenaal boqonnaa booda galchii lama lakkoofsisuun Astoon Viilaa dursaa jiru.

   Emi Martinez kubba harkaan qabuu male gadhiisuun Gabri'el Magalesh goolii galche. Maartiin Zubimandiin galchii lammaffaa lakkoofsisuun dursaa jiru.

   Arsenaal har'a haloo bahachaa jira.

5. 30 Muddee 2025Maanchister Yuunaayitid 1-0 Woolvis

   Ruuben Amoorim yeroo jalqabaaf Beenjaamin Seskoo, Maatiyaas Kuunaa fi Zirkizee waliin hiriirsise.

   Gara Romaa deema jedhamee kan eegamu Zirkizeen galchii lakkoofsisuun Yuunaayitid dursaa jira.

   Amoorim har'as 4-2-3-1 taphachaa jira. Woolvis kileba jalqabaa taphoota 19 keessaa qabxii 2 qofa argate tahe.

6. 30 Muddee 2025Arsenaal 0-0 Astoon Viilaa

   Kileboonni lameenuu carraa galchii gaarii argataniiru. Garuu haga ammaa sarara ittisaa cabsuun galchii kan lakkoofsise hin jiru.

   Maanchister Yuunaayitid ammayyuu Woolvis waliin galchii malee jira.

7. 30 Muddee 2025Cheelsii 2-2 Boornimooz

   Taphni Cheelsii fi Boornimooz erga jalqabee daqiiqa 40 taheera. Cheelsiif Kool Paalmer rukuttaa peenaaliitiidhaan galchii lakkoofsiseera. Fernaandez galchii lammaffaa lakkoofsise.

   Boornimooziif ammoo Biruuksi galchii lakkoofsiseera.

   Jastiin Kilaayivert galchii wal qixxesituu lakkoofsisan.

   West Haam Biraayitaniin galchii 1-0 dursaa jiru. Niwkaasil galchii 2-1 Barnilee, Everteen 1-0 Nootiingihaam Forest dursaa jiru.

8. 30 Muddee 2025Yeroo sirriin haala tapha keenyaa jijjiirru amma- Ruuben Amoorim

   Leenjisaan Maanchister Yuunaayitid Ruuben Amoorim Niwkasiliin yeroo mo'atan falaasama ykn taaktika tapha isaanii jijjiiraniiru.

   Ittisa afur yeroo jalqabaaf hiriirsisuun jalqaban. Tapha gidduutti garuu yeroo baay'ee jijjiiraa turan.

   Osoon kana dura taaktika taphaakoo kan ittisa sadiin taphadhu jijjiireera tahee silaa naaf dhumate.

   Sababni isaa leenjisichi sababa dhiibbaa miidiyaan jijjiire jedhamuun ofis hojii isaas dhabuu isaati. Kana taphattoonnis beeku.

   Amma sana bira dabarree yeroo mataa keenyaatti waan jijjiirreef dhiibbaan sun narra hin jiru.

   Maanchister Yuunaayitid garee cimaa tahuu qaba jedhe Ruuban Amoorim.

   Osoo phaaphaasiin dhufeyyuu taaktika taphaakoo 3-4-3 koo hin jijjiiru jedhee ture. Amma garuu yeroo sirriidha jedhe.

   Garuu taphattoota murteessoo akka Buruunoo, Embuumoo, Maatiyas Delikti, Amaad Diyaaloo, Maaguwer fa'aa sababa dorgommii Waancaa Afrikaa ykn miidhamaan dhabeera.

9. 30 Muddee 2025Arteettaan waa'ee tapha Astoon Viilaa waliin qabuu fi morkii isa eeggatuu dubbate

   • Taphattoonnikoo hammam akka injifachuu barbaadan tapha Biraayitan irratti argitaniittu, Raayis ittisa cinaarra taphachuun jedhe.
   • "Miidhama taphattootaa nu mudatus amma ji’a jaha haala gaariin dabarreerra. Kana booda ji’a shanii fi walakkaatu nu hafa. Waan gaariin taha jedheen amana. Waan guddaan gabri’eel isa eegnee dursee nuuf deebi’eera. Yeroo tokko miidhamu tokko ammo nuuf deebi’a.
   • Astoon Viilaa waliin taphni qabnu baay’ee ulfaataadha. Morkattoota dirree keenya dhufan dhufan hunduu akka rakkatanii mo’aman barbaanna. Tapha kana guutummaan caallee akka taphannu abdiin qaba. Sadarkaa akkamii irra akka jiranii fi maal akka barbaadan beekna, tapha bareedaa akkasiif qophaa’uun namatti tola.
   • Tapha dhiyeenya Emii Bundiyaa daqiiqaa dhumaatti lakkoofsise irraa akka baratanis himeera. Taphattoonni Arsenaal hedduu gaddanii ture.
   • Arteettaan tapha Astoon Viilaan mo’ate irra deebi’anii ilaalan gootaa yoo jedhamee gaafatamu; ‘’ Isaan kakaasuu fi dheebuu injifannoo isaan keessa kaa’uuf yoo itti fayyadamuuf tahe gaarii taha’’ jedhe.
   • Astoon Viilaan qabxii sadiin qofa caalamanii sadaffaa irra jiru. ‘’Bakki kun isaaniif mala, waan addaa hojjetan’’ jedhe Arteettaan
   • Waan to’annoo keenya keessa jiru irratti qofa xiyyeeffanna. Taphattoonni hundi yeroo nuuf debei’an isa ammaa caalaa qabxii ittiin caallu bal’isuuf yaalla jechuun haala morkii amma jiruus hime.
   • Arsenaal miidhama taphattooaa qabu haguuguuf kan oolan ji’a Amajjii kanatti taphattoota haaraa mallattesisuu akka danda’us eerara.

10. 30 Muddee 2025Kazuyoshii Miyuuraa umurii isaa waggaa 59’n ammas kilaba haaraaf mallatteesse

    Mee yaadaa, jaarsi waggaa 59 nama akkamii taha jettanii yaaddu? Miyuuraan ammayyuu tapha kubba miilaa pirofeeshinaalummaa keessaa hin bane.

    Taphataan internaashinaalaa Jaappaan kun kileba Biraazil Saantos keessatti tapha kubba miilaa sadarkaa olaanaatti bara 1996 jalqabe.

    Taphoota torba irratti daqiiqaa 69 taphachuun galchii hin lakkoofsifne. Miyuuraan kileba Atileetiikoo Suzukaa jedhamuuf mallatteesse.

    ‘’Jaalalli kubba miilaaf qabu ammayyuu hin jijjiiramne, umuriinkoo meeqayyuu haa tahu jedhe.

11. 30 Muddee 2025Deklaan Raayis miidhamaan har'a hin taphatu jedhame

    Fuulli miiidiyaa Arsenaal akka beeksisetti, Deklaan Raayis miidhama jilba isaarra mudateen har'a galgala hin taphatu.

    Tapha Biraayitaniin injifatan irratti ittisa sarara cinaa irra taphatee ture.

    Arteettaan miidhama jabaaf akka hin saaxilamneef har'a hin taphachiisu jedhame.

    Garuu miidhama yeroo dheeraaf isa tursiisu miti jedha odeeffannoon kun.

12. 30 Muddee 2025N. Foorest tapha Maanchister Siitii irratti sagalee VAR waraabe akka naa dhiyaatu jechuun himata bane

    N. Foorest tapha Maanchister Siitii irratti sagalee VAR waraabe akka naa dhiyaatu jechuun himata bane.

    Kilebichi murtoo murteessaa guyyaa sanaa Roob Joonsi jedhamuun hin gammanne.

    Inumaayyuu murteessaan dirree keessaa fi murteessaan viidiyoo ilaale VAR maal akka waliin dubbatan dhagahamuun barbaada jechuun qaama kana hogganutti iyyataniiru.

    Galchii injifannoo Maanchister Siitiin daqiiqaa 83ffaa irratti lakkoofsise haqamuu qaba jedhanii himatan.

    Namni guyyaa san dirree keessa ture waanuma arguu danda’udha kan jedhan leenjisaan Foorest murteessaatu tapha keenya nu jalaa balleesse jedhan.