Arsenaal 2-1 Astoon Viilaadhaan mo'ame, Maanchister Siitiin 3-0 Sanderlaand mo'achuun lammaffaa gale

Haguuggii Tamsaasa Kallattii

1. 7 Muddee 2025Liyonel Meesii fi Deevid Beekam akkamiin seenaa kubba miilaa Ameerikaa fi Miyaamii jijjiiran?

   Liyonel Meesii fi Deevid Beekam akkamiin seenaa kubba miilaa Ameerikaa fi Miyaamii jijjiiran?

   Beekam yeroo MLS keessa taphataa ture bara 2007 mul’ata kileba bituu horate.

   Bara 2013 Inter Miyaamii keessatti kileba tokko hundeessuuf barbaade.

   Bara 2018 maqaa daldalaa Inter Miyaamii kana Paawondii miliyoona 15 tahuun bituun bara akka kilebaatti tokko jedhee hundeesse.

   Bara 2020 Mejer Liig Sooker Ameerikaatti guddise. Bara 2023 Liyonel Meesii yeroo mallattesisu amanuu hin dandeenye.

   Luwis Suwaarez, Serjiyoo Buuskeetii fi Joordii Albaa taphattoota kilebichatti makamanidha.

   Ergasii kaleessa galagala Waancaa MLD yeroo jalqabaaf mo’atan. Walumaa gala Inter Miyaamiin waancaawwan hunda liigii Ameerikaaf qophaa’an waggaa lama keessatti mo’ataniiru.

2. 6 Muddee 2025Diraamaa guddaa: Liidsi 2-3 Liiverpuul

   . Liiverpuul osoo 2-0 dursaa jiruu duubaa ka’uun Liidsi Yuunaayitid galchii lama lakkoofsisuun qixa 2-2 tahan.

   Soboslaay galchii lakkoofsisuun Liiverpuul 3-2 dursuu jalqabe.

   Aleeksaander Isaakii fi Mohaammad Saalaan taa’umsa jijjiirraa irra jiru.

   Arnee Isloot amantaa taphattoota isaanii dhabuu hin hafne. Inumaayyuu Moo Saalaan ji’a Amajjii ykn ganna dhufu gara Sawud Arabiyaa deema jedhamaa jira. Daqiiqaa 10 hafte keessatti maaltu akka uumamu ilaalla.

3. 6 Muddee 2025Deeggaraan Kubba Miilaa istaadiyeemiitti duunaan taphni addaan cit

   Deeggaraan kileba Ingilizii Chaarlitan Atileetik Istaadiyeemii keessatti duubaan taphni addaan cite.

   Taphni jalqabee daqiiqaa 12ffaa irratti deeggaraan kun rakkoo fayyaa godhate.

   Taphni gara sa’a tokkoof erga adda citeen booda guyyaa biraa akka taphatamuuf murteessaan taphattoota gara kutaa uffannaa keessaniitti deebi’aa jedhe.

   Sababa maaliin akka tahe beekamuu baatus erga hakiimonni achumatti yaala kennaniifii booda hospitaala gahee boqachuu kilebichi ibse.

   Gadda guddaa keessa galuus ibseera.

4. 6 Muddee 2025Peep waa’ee waancaa injifachuu dubbate

   Peep gaardiyoolaa: Waanuma hundaan! Waanuma hundaan baay’ee gaarii turre.

   Tapha baay’ee bareedaa bara kana keessa taphanne isa jalqabaati. Waan haga ammaa hojjetaniin yoo ilaalle garee jabaa irratti tapha bareedaa agarsiifne.

   Galchii nurratti galuu dhabuutti baay’ee gammadeera. Isaan irrattis baay’een hin galle ture. Carraa galchii baay’ee uumneerra.

   Bareedaa ture jechuun kan dubbate Gaardiyoolaan fuula ifaatiin ture. Mo’achuu isaa qofa osoo hin taane Arsenaal mo’amuunis waan isa gammachiise fakkaata.

   Kana dura gareen Arsenaaliin dhaabu jiraachuu qaba. Kanaan ala nu gatanii deemnaan bakkatti qabnu hin jiru jedhanii ture.

   Aston Viilaan kunoo qabxii sadii Arsenaaliin dhabsiise. Peep rayaan Cherkii kubba bareedaa akkasii kennuu isaa irartti waan addaati. Shaakala irratti argee hin beeku. Har’uma akaksitti dabarse.

   Kennaa fi dandeettii guddaa qaba. Osoo akkasittan kubbicha dabarsa jedhee balleesseera tahe garuu baay’een itti aara ture jedhe.

   Waan akaksii Meesiin yeroo godhu argee hin beeku. Taphataa cimaa biyya lafaa kanaa isadha. Waan Meesii kanan jaaladhuuf waan hundaa siif salphisa, Salphisee bareechee sii kenna.

   Kana Cherkiin faa barachuu qabu jedhe. Waancaa injifachuu ilaalchisee: Waan hedduutu tahuuf deema. Kun kan murtaa’u akkaataatti kana booda taphannu irrattidha. Malee qabxii meeqaan caalamnee kan jirru irratti miti.

   Akkuma taphattutti mo’atta. Taphattoonni koo gowwoota miti. Gahumsi itti fufaan tapha tokkoon hin dhufu. Karaa hundaan guutuu tahuu qabna.

   Taphoota sagala kudhan darban gaarii jirra jirra. Baay’ee miidhamnee irraas baranneerra.

   Waan akkasii akka irra deebee nutti dhufu hin barbaannu. Fuulham irratti shan lakkoofsisuun waan guddaadha.

   Taphataan maanchister Siitii Rayan Cherkii: Har’a tapha barbaannu taphanne. Injifannoo gaariidha.

   Galchiin nurratti lakkaa’amuu dhaabuun waan guddaadha. Isaaf of qopheessaa turre. Guyyaa gaarii!

   Jedhe. Ani Foodeen, Maarmushii fi Haalaandif kubba kennuufan taphadha kan jedhe Cherkiin kubba Foodeniif bareechee kenneen jajameera.

   Kanaafis sarara gidduu irra bilisa tahee taphachuu akka jaalatu hime.

   Arsenaalitti dhiyaachuu ilaalchisee; ni beekna, kana booda tapha tokko tokkoo isheef qophaa’uu qabna. Haala akkasiin yoo mo’ataa deemne gaarii taha jedhe.

5. 6 Muddee 2025Maanchister Siitiin Sanderlaandiin mo'achuun Arsenaal jala gahe

   Maanchister Siitiin Sanderlaandiin galchii 3-0 mo'achuun Arsenaaliin qabxii lamaan qofa caalamuun sadarkaa lammaffaa irra gale.

   Astoon Viilaan jalqabbii gaarii hin qabu ture. Ergasii wlaitti aansanii mo'achuun qabxii 30'n sadaffaa irra galan.

   Aston Viilaan taphoota torba walitti aansuun mo'ataniiru.

   Arteettaan taphattoota sarara ittisaa akka Saalibaa fi maagalesh erga dhabee galchii kubba dhaabbate irraa galuufis ittisaafis rakkachaa jira.

   Erga 2021 as lameenuu yeroo jalqabaaf wal faana miidhaman.

   Cheelsiin Boornimooz waliin galchii malee 0-0 xumure. Niwkasil 2-0 Barnilee mo'ate.

   Everteen galchii 3-0 Nootingihaam mo'achuun shanaffaa galan.

6. 6 Muddee 2025Unaay Imiree Arsenaal mo'achuun miira akkamii akka kenneef dubbate

   “Baay’ee gamamdeera. Torban kana akkuma barbaannutti injifannoon xumurre. Dorgomaa cimaa tahuu, kaka’umsa guddaa agarsiisuu, takka takka kubbaas caallee sanduuqa morkattootaa keessa galuu.... waan hunda keenyan jaaladhe.

   Yeroo barbaachisaa tahutti taphicha ariifachiisuufi kutannoo addaa agarsiisuun waan taphattoota keenyarraa mul’atudha.

   Deeggartoonni keenya humnaa fi aannisa addaa nuuf kennan. Akka mo’annuuf Viilaa Paarkiin humna nuuf taheera.

   Tapha tokko tokkoo ishee irratti xiyyeeffachuun taphanna. Awurooppaa Liigiis haala gaariin taphachuu barbaanna.

   Garuu Piriimer Liigiin dursa kennineefii taphannudha.

   Gama biraan Arteettaan maaliif akka Tiroosaadiin deebisee baase dubbate. Tiroosaad nuuf taphataa addaa akka tahe beeka.

   Garuu miidhama irraa waan deebi’eef miirri dhukkubbii itti dhagahamuu jalqabnaan deebisnee baasne jedhe Mikeel Arteettaan.

7. 6 Muddee 2025Maanchister Siitii 2-0 Sanderlaand-55'

   Maanchister Siitiin galchii Givaardiyoolii fi Ruuben Diyaaziin 2-0 Sanderlaand dursaa jira.

   Har'a yoo mo'ate Maanchister Siitiin qabxii lamaan qofa Arsenaaliin caalama.

   Gaardiyoolaan yeroo darbe dorgommii inni dhugaan amma jalqaba jedhee ture.

   Dhuguma Arsenaal ergasii taphattoota akka Gabri'eel Magalesh, Saalibaa miidhamaan dhabeera.

   Qabxiis gataa jira. Bireentfoordiin 2-0 injifatee qabxii shaniin Siitii irraa fagaatus har'a taphoota 18 booda mo'ame.

   Kun Maan Siitiif carraa guddaa kenna. Cheelsiin torbee darbe mo'amuu isaan carraa Arsenaalittis iquu hin arganne.

8. 6 Muddee 2025Mikeel Arteettaa erga Aston Viilaan mo'amanii waan itti dhagahame dubbate

   "Akkasiin mo’amuun keenya hedduu nama dhukkubsa. Nama gaddisiisa. Boqonaa dura carraa gaarii argannee ture. Isaan boodas taphicha to’annoo keenya jala oolchuun taphanne.

   Kubba deebisnee arganne haala gaariin itti hin fayyadamne. Boqonnaa boodas haala gaariin jalqabnee galchiis arganneera.

   Kubba hin barbaachisne yerootti of harkaa baasaa turre jira. Galchiidhaaf gumaachuu baatanis. Dhumarratti haala akkasiin mo’amuu hin qabnu ture.

   Isaanis [Astoon Viilaa] garee cimaadhaadha. Isa itti aanuuf of qopheessuun qabxii argachuuf qophaa’uu qabna.

   Torban torbaniin haalli cimaan akkasii ni mudata. Garuu taphoota 18 takkaayyuu osoo hin mo’amiin dabarsine.

   Ammas garaagarummaan ittiin mo’amne xiqqaadha. Of irratti xiyyeefachuun hojjechuu qabna. Ciminni taphattoonni akka dhuunfaatti qaban har’a hin mul’anne jechuun dubbate.

9. 6 Muddee 2025Taphataan Aston Viilaa Arsenaal irratti galchii lakkoofsise dubbateera

   "Goolii sana lakkoofsisee daqiiqaa dhumaatti akka gareen keenya mo’atu gochuun miiruma addaa qaba. Baay’ee gammade.

   Galchii sanaaf baay’ee ofitti booneera. Kun amala garee Liigii kana keessa jiruu agarsiisa.

   Warra gabatee Piriimer Liigii dursan mo’achuun miira addaa qaba. Akka galchiin sun hin galleef waan danda’an hundaa godhaniiru. Taphattoonni sadii lafatti kufuun kubbicha oolchuuf yaalaniru.

   Kana gidduuttan qaawwa wayii argadhee kubba haleele. Baay’een gammade. Hojii keenya irratti xiyyeeffannee hojjechuu qabna. Isa itti aanuuf of qopheessuu.

   Ammayyuu dorgommii baay’ee nu hafe. Taphni hunduu ulfaataadha. Tokko tokkoo isaaf of qopheessuu qabna.

   Xiin-sammuu injifannoo kana hanga dhumaatti itti fufsiisuu qabna jedhe.

   Bundiyaan bara darbe ergisas kennamee ture. Miidhamaan rakkachaa waan tureef gahumsa isaa agarsiisuuf rakkateera. Bara kana garuu haala gaarii irra jira.

10. 6 Muddee 2025Astoon Viilaa 2-1 Arsenaal

    Arsenaal erga Saalibaa fi Magalesh wal faana miidhamanii qabxii gataa jiru.

    Aston Viilaan galchii Maatiw Kaashii fi Bundiyaatiin 2-1'n Arsenaal mo'ate.

    Tiroosaad Arsenaaliif galchii lakkoofsisus gareen Unaay Imiree daqiiqaa dhumaatti irra aanan.

11. 6 Muddee 2025Bukaayoo Saakaa jijjiiramee bahe

    Arteettaan Bukaayoo Saakaa kaardii argata jedhee yaaddahuu hin hafne. Jijjiree baasuun Maduweekee galche.

    Emii Maartinez gahumsa guddaa agarsiiseen ammayyuu qixa 1-1 irra jiru.

    Tiroosaad jijjiiramee galee galchii lakkoofsisuun ammas jijjiramee bahe.

12. 6 Muddee 2025Aston Viilaa 1-1 Arsenaal

    Aston Viilaan galchii 1-0 dursee boqonnaa bahe.

    Arteettaan yeroo hin gubne. Boqonnaatii akkuma deebi'aniin Tiroosaadii fi Giyookires jijjiiree galche. Ezzee fi Meerinoo baase.

    Osoo hin turiin Tiroosaad tapha jijjiire. Taphattoonni Arsenaal boqonnaa dura waan dadhaban fakkaatu.

13. 6 Muddee 2025GOOOOOL Astoon Viilaa 1- 0 Arsenaal

    Maatiw Kaash galchii jalqabaa Arsenaaliif lakkoofsise. Astoon Viilaan taphaanis caalmaa fudhataa ture.

    Yaalii gaggaarii taasisuun milkaa'an.

    Tilmaamaa? Arsenaal duubaa ka'ee mo'ataa?

14. 6 Muddee 2025Astoon Viilaa 0-0 Arsenaal- 13'

    Taphni Aston Viilaa fi Arsenaal jalqabeera. Kileboonni lamanuu yaalii gaarii taasisaa jiru.

    Deevid Raayaa kubba carraa galchii guddaa qabu Olee Waatkiinsi jalaa deebise.

    Deevid Raayaa caalaa karra eegaan gahumsa olaanaa agarsiisaa jiru waan jiru natti hin fakkaatu. Arsenaal irratti icciitii galchii hedduu hin lakkaa'amnee cimina sarara ittisaa qofa osoo hin taane ciminni Raayaas olaanaa waan taheef.

15. 6 Muddee 2025'Aston Viilaan har'a Arsenaal mo'annaan dorgommii waancaaf abdatamaa?'

    

    Madda suuraa, Getty Images

    Namni Aston Viillaan dorgommii waancaa {Piriimer Liigii dorgomaa akka jirutti yaadaa jiru jiraa?

    Haata'u malee, har'a Arsenaaliin mo'annaan kun jijjiiramuu danda'a.

    Aston Viilaan jalqaba bara kanaatti rakkatee ture. Haata'u malee, amma gahumsa baayyee amanuuf nama rakkisurra jiru.

    Walitti aansuun mo'achaa deemaa jiru. Kun ammoo Arsenaaliif qprmaata cimaadha jedha xiinxalaan kubbaa miilaa BBC KiriisSuutan.

    Ani bara kana Arsenaal Liigii kana ni mo'ata jedheen amana. Sababiin isaas garee cimaa miidhaa itti dhufe dandamachuun mo;ataa deeman idha.

    Aston Viilaan goolii lakkofsisuuf ni yaala, garuu Arsenaal waan salphaatti banamu hin ta'u.

    Arsenaal cimee ittisaa ykn yaalii goolii Aston Viilaan taasisu maseensaa ofiin ni lakkoofsifatu jedheen yaada jedha Suutan.

    Tilmaamam Kiriis Suutan.

    Aston Viilaa 0 -1 Arsenaal.

    Isin tiilmaama xiinxalaa kana itti waliigaltuu?

16. 6 Muddee 2025Maartineelii fi Viktar Giyookeres taa'umsa jijjiirraa irra jiru

    Arteettaan tapha Bireentfordiin mo’atan irraa taphattoota sadii jijjiireera.

    Arsenaal: Karra eegaa Deevid Raayaa, Ittisa irra ammoo Been Waayit, Tiimber, Hinkaappee fi kaalaafiyooriidha.

    Sarara gidduu irra Zuubimandii, Raayis, Odeegaard yoo taphatan Sarara duraa Saakaa, Eezzee fi Meerinoo taphata.

    Maartinelii, Giyookeres, Maduweekee, Nawaneerii, Lewis Iskeelii fi Noorgaard taa’umsa jijjiirraa irra jiru.

    Karra eegaan duraanii Arsenaal Emii Maartinez Aston Viilaf deebi’eera.

    Torban darbe miidhamee ture. Yuurii Tiilemaansi bakka Geesaand bu’uun taphicha jalqabu.

    Aston Viilaa: Maartinez karra eegaa, Ezrii Koonsaa, Paawuu Toores, Iyaan Maatsen, fi Maatiw kaash ittisa irra taphatu.

    Sarara gidduu: Amaduu Onaanaa, Tiilemaans, Boobakar Kamaaraa, Joon Maagiin yoo tahan sarara duraa irra Morgaan Roojersii fi Olee Waatkiinsi kan taphatan taha.

17. 6 Muddee 2025Arteettaan tapha Astoon Viilaa dursee maal jedhe?

    • Arteettaan Deklaan Raayisii fi Kiristiyaan Mooskuweeraan jiraachuu isaanii yoo gaafatamu: Mee ni ilaalla jedhe. Sa’aatiin tokko tokkoon ishee hafte murteessituudha jedhe.

    • Wiiliyaam Saalibaa fi Tiroosaad deebi’uun waanuma guyyoonni muraasa hafanidha jedhe.

    • Arsenaal fuul-dura isaanii taphoota baay’eetu jira. Kanaaf Arteettaan taphattoonni akka gahumsa isaanii guddaarra gahaniif guyyaa ykn sa’a boqonnaa yoom akka kennuufii dandeenyu ilaalla jedhe.

    • Mikeel Meerinoo ammas sarara duraa irra taphachiisuu ilaalchisee; yoo xiqqaate amma xiinsammuu isaa akkamiin taphachuu akka qabu galeeraaf. Taphni isaa garee keenyaaf dhiibbaa gaarii fideera jedhe.

    • Arteettaan ‘’itti fufinsaan’’ gahumsa gaariin taphachuu murteessaa tahuu himuun bara kana tapha tokko tokkoo isheef qophoofna jedhe.

    • Waancaa mo’achuuf garee baay’ee cimaa tahe ijaarreerra. Garuu bakkan ani gahuu barbaadudhaa? Lakki. Sababni isaas miidhama taphattoota mudachaa jiru. Garuu akkamiin haala kana keessa darbaa akka jirrutti gammadeera jedhe.

    • Ji’a Amajjii kanatti taphataa mallattesistuu jedhamee yoo gaafatamu Arteettaan: ‘’Yeroo hundumaa banaa tahuu barbaanna. Tahuus mala’’ jedhe.

    • Astoon Viilaan garee baay’ee cimaa tahedha kan jedhe Arteettaan, leenjisicha [ Unaay Imiree] beekna.

    • Hojii ajaa’ibaa inni hojjete beekna. Haamilee isaa, hojii inni hojjetee darbe yoo ilaalte leenjisaa jabaa tahuu hubatta. Bakka deeme hundatti dhiibbaa guddaa nama uumuu danda’udha jedhe.

18. 6 Muddee 2025Tapha Astoon Viilaa V Arsenaal iratti dhugaawwan kanneen beektuu?

    Kileboonni lameen seenaa isaanii keessatti yeroo 188 wal morkataniiru.

    Kanneen keessaa Astoon Viilaan yeroo 66 Arsenaaliin mo’ateera. Arsenaal yeroo 82 mo’ate. Yeroo 40 tahu ammo qixa bahaniiru.

    Dhiyeenya taphoota gaggeessan sadii keessaa tokko Astoon Viilaan 2-0 mo’ate. Tokko Arsenaal galchii wal fakkaatu 2-0 mo’ate. Tokko ammo qixa bahaniiru.

    Bara 2024 keessa Astoon Viilaan kileboota Arsenaaliin qabxii gachisiisuun akak waancaa dhabu godhan keessaa tokko.

    Erga bara 2019 as Astoon Viilaan taphoota 12 Arsenaaliin morkate keessaa shan mo’ataniiru.

    Tokko qixa bahanii jaha mo’amaniiru. Bara 2019 dura Arsenaal ol aantummaa guddaa Astoon Viilaa irratti qaba. Kiristaal Paalaas yoo tahe malee akka Astoon Viilaa dirree isaanii Viilaa Paarki irratti kilebuma mo’ataniyyuu hin qaban.