Yukireeniifi Ameerikaan karoora nagaa haaraarratti walta'an

Haguuggii Tamsaasa Kallattii

1. 26 Muddee 2025Lammiin Ertiraa Itoophiyatii miliqee seeraan ala namoota daddabarsuun himatame Neezerlaandisitti dabarfamee kenname

   

   Madda suuraa, INTERPOL

   Lammiin Ertiraa namoot seeraan ala daddabarsuun himatameefi Itoophiyaatii miliqee ture Yunaayitid Arab Emireetisirraa Neezerlaandisitti dabarfamee kennamuun ibsame.

   Namni umuriin isaa waggaa 41 ta'e Kidaanee Zakkaariyaas Habtemaariyaam mana-murtii Neezerlaadisitti akka dhiyaatu ibsi abbaan alangaa biyyattii marsariitii isaarratti baase ni mul'isa.

   Itoophiyaatti adeemsa mana-murtiirra osoo jiruu erga miliqeen booda waggoota shanan darban tarree shakkamtoota sadarkaa idil-addunyaatti barabaadaman keessa galee ture.

   Poolisoota Neezerlaandisiin marfamee Yunaayitid Arab Emireetisirraa gara Amesterdaam akka geeffames ibsameera.

   Kidaaneen garee yakkamtootaa keessatti hirmaachuun, baqattoota karaa seeraan alaa daddabarsuun, namoota butuun, saamuun, miidhaa qaamaa geessisuun, akkasumas miidhaa saalaa raawwachuun Neezerlaandisiin barbaadamaa tureera.

   Dhimmi Kidaanee lammii Ertiraa biraa Teweldee Goyitom waliin kan walitti hidhame yoo ta'u, Goyitom ji'a darbe mana-murtiitti dhiyaateera.

   Abbaan alangaa Goyitom hidhaa waggaa 20n akka adabamu gaafateera.

   Abokaatoowwan Goyitom Kidaaneetiin akka ragaatti dhiyeessuu barbaadu. Akka odeeffannoo abbaan alangaa baaseetti, adeemsa seeraa namoota seeraan ala daddabarsuu gurguddoo jedhaman keessaa isa tokkodha.

   Goyitom Itoophiyaatti namoota seeraan ala daddabasruun himatamee akka ture ni yaadatama.

   Barbaachi sadarkaa idil-addunyaa Yunaayitid Arab Emiretisiin durfamu gaggeeffamaa turee bara 2023 Sudaan keessatti qabamee ture.

   Sanbata dhufu mana-murtiitti akka dhiyaatu abbaan alangaa Neezerlaandis beeksiseera.

2. 26 Muddee 2025Dhaabbatni mirgaaf falmu buqqaatota deebisuu dhabuudhaan mootummaa Itoophiyaa himate

   

   Madda suuraa, Getty Images

   Dhaabbatni mirgaaf falmu Human Rights First jedhamu Mana Maree Ministirootaa, Ministeera Nagaa, mootummoota naannolee Tigraay, Amaaraafi Oromiyaa buqqaatota biyya keessaa deebisee hin dhaabne jechuun himate.

   Akka ibsa garee kanaatti naannolee sadan keessatti namootni miliyoona 1.5 ta'an qe'ee irraa buqqa'anitti deebi'anii hin jiran.

   Himannaan dhaabbata biyya keessaa mirgaaf dhaabatu kanaan qophaayee Mana Murtii Olaanaa Federaalaaf dhiyaate.

   Naannoo Tigraay keessatti qofa waarana Kaaba biyyattiitti gaggeeffamee tureen walqabatee namootni miliyona tokkoo ol qe'eerraa buqqa'an hin deebine jedheera.

   Naannoo Amaaraa keessa namootni gara walakkaa miiliyoonaa siiqan, Oromiyaa keessattis namootni kuma 85 ol buqqa'anii jiru jedheera.

   Dhaabbatni kun mootummaan federaaalaa fi mootummootni naannolee gaafatama buqqaatota deebisanii dhaabuuf irra jiru bahaa hin jiran, itti dhiisanii akka rakkatan godhaniiru jedheera. Buufataaleen buqqaatotni kun keessa jiran bishaan, nyaata, barnoota, tajaajila fayyaafi qulqullinaa malee rakkachaa jiru jedheera.

3. 26 Muddee 2025Yukireeniifi Ameerikaan karoora nagaa haaraarratti walta'an

   

   Madda suuraa, EPA

   Pireezidantiin Yukireen Voloodimiir Zeleniskii marii ergamaa addaa US waliin haala waraanaa Raashiyaa fi Yukireen dhaabuun danda'amurratti mariyachuu booda yaadni haaraan dhiyaate faara qabaachuu hime.

   Pirezidantichi guyyaa Kamisaa sa'aatii tokkoof bilbilan ergamaa addaa US Istiiv Witkoof, akkasumas Jareed Kuushneer waliin mariyaachuu ibse.

   Mariin isaanii adeemsa, haala marii fi yeroo mariiratti yaadaa haaraa kan fide ta'uufi waliigalteen nagaa buusuu akka dhiyaatu godha jedheera.

   Pireezidant Doonald Tiraamp waliinis dhiyootti marii biraa akka gaggeessan ibseera.

   Zeleniskiin jalqaba torban kanaa karoora nagaa abbaa qabxii 20 kan US fi Yukireen irratti waliigalan Filoorridaatti ifa godhee ture.

   Raashiyaan wixinee nagaa ergamaan addaa US irraa fidan ilaalaa akka jirtu beeksifteetti.

4. 26 Muddee 2025Tamsaasa kallattii

   Ashamaa! tamsaasa kallattii keenya eegaleerra.

   Dhiyaadhaa!