Murphy Afolabi: Kò dùn mí tí wọn bá ṣe yẹ̀yẹ́ mi torí mò ǹ fi sí pe ṣí, èdè Osogbo ìlú mi ni

Ori lo mọ isẹ asela, ibi ti ori wa si n lọ, agba adura ni pe ki ẹsẹ sin wa de ibẹ.

Bẹẹ lo ri fun gbajumọ osere tiata kan, Murphy Afolabi Olawale, ẹni ti isẹ tiata ti wu lati kekere, ti kii si se ayaba fun.

Nigba to n ba BBC Yoruba sọrọ, Murphy Afolabi ni oun ko lọ sile ẹkọ girama amọ oun kẹkọọ jade nile ẹkọ fasiti Eko bi o tilẹ jẹ pe awọn onijibiti ti gba oun kọja sisọ ninu iyanju oun lati wọ awọn fasiti kan tẹlẹ.

Osere tiata naa ni Araba awo tilu Osogbo, oloye Ifayemi Elebuibon, tii se baba fun oun lo se koriya fun oun lati yan isẹ tiata laayo.

Nigba to n sọ awọn ipenija to ni nidi isẹ tiata, Murphy Afolabi Olawale ni oun gbe apoti asọ baba oun fun ọga oun lati sere tiata ni ogun ba de.

O wa salaye pe kii dun oun tawọn eeyan ba n fi oun se yẹyẹ pe oun maa n sọ ede ilu oke, ti oun si n fi si pe ṣi.

Gbajumọ osere naa fikun pe ede ilu Osogbo ti oun gbe dagba, ni oun n sọ, yoo si nira puọ lati paarọ ahọn oun nigba ti oun de Eko.

O wa yan pe awọn osere tiata to fi ere itage bẹrẹ isẹ bii ti oun ni akọsẹmọsẹ, yatọ si awọn osere aye ode oni ti wọn n gbe ẹrọ ayaworan lasan si loju.