Таниқли француз актёри Жерар Депардье Франция фуқаролигидан воз кечиб, ўз паспортини давлатга қайтариб беришга қарор қилган. Бунга Франция бош вазири Жан- Марк Эйро актёрни Бельгияга кўчиб ўтиш қарорини танқид қиларкан, ватанидаги солиқларнинг юқорилиги бунга ундаган, деб айтгани сабаб бўлган.
Депардьенинг фикрича, Франция ҳукумати уни "омад, ижод ва иқтидори учун жазолаган деб ёзади актёр ўзининг Le Journal du Dimanche рўзномасида босилган Эйрога очиқ хатида.
Ўтган ҳафтада 63-ёшли актёр Франциянинг чегарасида жойлашган Бельгиянинг кичкина Нешен шаҳарчасига кўчиб ўтаётганини эълон қилган эди.
2013 йилдан Францияда даромади 1 миллион евродан ошадиган фуқаролар учун энг юқори даромад солиғи 75 фоиз бўлиши маълум қилинади. Бельгияда эса энг бойлар учун даромад солиқ миқдори 50 фоиз қилиб белгиланган.
Франциянинг бош вазири Депардьенинг қарорини «ачинарли деб атаган. Бош вазирнинг бундай муносабати Депардьени янада ғазаблантирган.
Мен мулозимат талаб қилмайман. Лекин, ҳеч бўлмаганда ҳурмат қилишлари керакку,- деб ёзади жаноб Депардье. Мамлакатни тарк қилган ҳеч кимни ҳали бундай ҳақорат қилмаган эдилар»..
Депардье социалист Франсуа Олланд ҳукуматини энг иқтидорли инсонларни ватанни тарк этишга мажбур қилаётганлари учун танқид қилади.
Мен кетяпман, чунки сиз омад, ижод ва талант учун жазолаш керак, деб ҳисоблаганингиз учун, - деб билдиради Депардье.
Актёр ўзининг узоқ фаолияти давомида Францияга 145 миллион евро тўлаганини таъкидлаган.
Мен ҳеч қачон ўз мажбуриятларимдан қочмаганман. Мен суратга тушган тарихий филмлар Франция ва унинг тарихига қанчалик катта муҳаббатим борлигига гувоҳ бўлади»,- деб қўшимча қилади Депардье.
Депардье Эйрога мурожаат қилиб, Сиз ўзингиз кимсиз, мени муҳокама қиладиган?" деб савол беради.
Ватанпарвар бўлмаган сафар
Бош вазир Эйро олдинроқ Депардьенинг Бельгияга кўчиши Франция ҳукумати ўтказаётган иқтисодни мустаҳкамлаш сиёсати манзарасида умуман ватанпарварлик эмас.
Мен буни керакли даражада ачинарли деб ўйлайман. Ҳаммаси шунчаки солиқ тўламаслик учун , холос,- деб айтган сиёсатчи France 2. телеканалига. – Солиқни тўлаш бирдамлик белгиси, ватанпарварлик ҳаракатидир,- деб таъкидлайди у.
Бельгия кўп бадавлат французларни ўзига жалб қилади, дейди Би-би-си мухбири.
Шу йилнинг кузида ўзининг қўшни мамлакатга ўтиши ҳақида Франциянинг энг бой одами - Бернард Арно эълон қилган эди. Шу билан бирга у ўзининг қарори мамлакатдаги солиқлар аҳволига боғлиқлигини рад этган.
Би-би-си, мухбирига кўра, бу масалада кўнгилли бўлиб кетаётган миллионерлардан ўша мамлакат инвестиция эгалари қандай мужда олишади, ана шу нарса ҳукумат эътиборини тортмоқда.
