Москвадан Филиппингача: Дунё мусулмонлари ҳайит нишонламоқда

25 июн 2017

Рамазон рўзасини тутган аксар мусулмонлар ой кўрингани муносабати билан якшанба куни ҳайит байрамини бошлаб юборишган. Суратларда Москва, Бишкек ва дунёнинг бошқа жойидаги мусулмонларнинг ҳайит нишонлаши акс этган.

Сурат тагсўзи, Москвадаги мусулмонлар ҳар доимгидек ҳайит намозини масжидга туташган кўчани тўлдириб ўқишган. Европанинг энг кўп мусулмонларига эга шаҳарларидан бири Москвада кўшимча масжидлар қуришга изн берилавермайди. Намозхонларнинг кўпчилиги Марказий осиёлик мигрантлар.

Сурат тагсўзи, Собиқ шўро давлати Қирғизистон пойтахти Бишкекда ҳам одамлар намозни кўчаларда ўқишган.

Сурат тагсўзи, Миср ва аксар араб давлатлари ҳилол кўрингани муносабати билан ҳайитни якшанба кунига белгилаган. Қоҳирадан 120 чақирим масофадаги Далгамон қишлоғи кўчасида ҳайит билан табриклаш.

Сурат тагсўзи, Миср қишлоғидаги оила марҳумларни эслаш учун анъанавий тарзда уларнинг қабрларини зиёрат қилган.

Сурат тагсўзи, Ушбу турк мусулмонлари ҳайит намозини Истанбулдаги тарихий Кўк масжидда адо этган.

Сурат тагсўзи, Қуддусдаги Ал-Ақсо масжиди яқинидаги қабр зиёрати.

Сурат тагсўзи, Фаластинлик аёл ва қизлар Ғазо шаҳрида ҳайит намозини ўқишга тайёр турибди. Миср шу ҳафтадан Ғазодаги электр станциясига ёнилғи етказиб беришни бошлаган. Шу билан Ҳайитнинг байрамдек ўтишига сабабчи бўлган.

Сурат тагсўзи, Филиппин ҳукумати асосан мусулмонлар яшайдиган Марави шаҳрида ҳайит муносабати билан сулҳ эълон қилган. Ҳукумат ҳарбийлари Исломий жангарилар билан жанг олиб бораётган эди.

Сурат тагсўзи, Покистоннинг Пешаворидаги болалар ҳалганчак учишмоқда. Покистонда ҳилол кўринмагани сабаб ҳайит душанба куни нишонланади. Ўзбекистонда ҳам ҳайит душанбага белгиланган.