Фоторепортаж: Манчестер портлашидан сўнг

23 май 2017

Манчестер шаҳридаги "Манчестер Арена"да рўй берган портлашда 22 инсон ҳалок бўлган. Ушбу фоторепортажда ҳужумда жабрланган концерт томошабинлари ва томошагоҳ атрофидаги вазият акс этган.

Полиция офицерлари ярадор қизни "Манчестер Арена"дан олиб чиқмоқдалар. — Сурат тагсўзи, Портлаш 22 май кечки соат 22:35 да АҚШлик қўшиқчи Ариана Гранденинг концерти тугаган пайтда рўй берган.

Полиция ходимлари яраланган инсонларга ёрдам бермоқда. — Сурат тагсўзи, Портлаш концерт тугаб қўшиқчи Ариана Гранде саҳнани тарк этганидан сўнг 18000 томошабин сиғадиган томошагоҳнинг фойесида юз берган.

"Манчестер Арена"да яраланган инсонлар — Сурат тагсўзи, Жароҳатланганларга ҳодиса жойида биринчи ёрдам берилган, ярадорлар Манчестер шаҳрининг олти шифохонасига жойлаштирилганлар.

"Манчестер Арена" ташқарисида бир-бирини овутаётган томошабинлар — Сурат тагсўзи, Томошибанлар даҳшатли ҳодиса ортидан бир-бирларига далда бердилар.

"Манчестер Арена"даги портлашдан сўнг — Сурат тагсўзи, Қариндошлар Интернет социал медиалари орқали бир-бирларини излай бошладилар.

"Манчестер Арена" яқинидаги полиция ходимлари ва "Тез ёрдам" машиналари — Сурат тагсўзи, Фавқулодда вазиятлар хизматларининг тезкорлик билан иш тутганларига юқори баҳо берилди. Ҳодиса жойига тезда қуролланган полициячилар ва 60 та "Тез ёрдам" машинаси етиб борган.

Aftermath of Manchester Arena explosion — Сурат тагсўзи, Полиция томошагоҳ атрофини ўраб олган. Томошабинлар ўзларининг автомобилларини қўйган жойларигача ҳам ўтиб боролмаганлар.