Нодир Шамс

	Муҳожирларни Оврўпо бюрократияси қамраб олди

"Ўзга сайёраликлар"

Шундай қилиб, Оврўпо тупроғига қадам қўйиб, дастлабки таассуротлар гирдобида қоларканмиз, ўзимизни чиндан ҳам бошқа бир сайёрага келиб қолган каби сезамиз. Бегона тил, бегона маданият... Нафасни ростлаб улгурмасимиздан расмиятчиликлар бошланиб кетади. Ҳали бир қатор тиббий кўриклардан ўтиш, ҳали муҳожирлик
ҳужжатларимизни ростлаш.
Яна биз тушунмаган аллақандай суҳбатлар.

Тўғриси, муҳожирлик ҳаётимизнинг дастлабки ойидаёқ турли ташкилотлардан даста-даста хатлар олишга улгурдик. Турли-туман билдирувлар, учрашувлар ва мана шу учрашувлар натижалари ҳақидаги билдирувлар ҳисоби Ўзбекистонда бир умр давомида олган мактубларимиз сонини батамом ортда қолдирган эди. Мана сизга қоғозбозлик, мана сизга бюрократия!

Аммо адолат юзасидан айтиш керак, Оврўпо бюрократияси ўзимизнинг "қадрдон бюрократиядан" тубдан фарқ қилади. Бизнинг "Отангга бор, онангга бор" қабилидаги "коптокбозлик"дан фарқли ўлароқ, бу ернинг бюрократик тизими аниқ бир самарани кўзлаб иш юритади. Яъни ҳар бир мурожаат албатта(ҳоҳ ижобий, ҳоҳ салбий бўлсин) бирор натижага олиб келади.

Бу дегани Оврўпода ҳамма ишлар хамирдан қил суғургандек, сансалорликсиз битиб кетаверади дегани эмас. Бу ерда бирор муаммоингиз билан мутасадди ташкилотларга тўғридан-тўғри кириб бора олмайсиз. Аввало телефон ёхуд интернет орқали айни ташкилотнинг қабул вақтларини мўлжаллаб учрашув белгилашингиз лозим. Аммо учрашув белгилаш ҳам осон иш эмас. Бу оврўпоча маданиятнинг дахл қилиб бўлмас белгиси саналади. Оврўпода ҳатто ота-оналар ўз фарзандлари билан аввалдан учрашув белгилашлари ҳақида реал латифалар мавжуд.

Айни қоидани билмаслик нохуш оқибатларга олиб келишини ҳам бошимиздан ўтказдик. Масалан, иттифоқо бир ҳамюртимизнинг тиши оғриб қолади. Оғриққа чидамаган бу одам тиш докторини излаб ҳам топади, аммо унга шу кунларда хизмат кўрсата олмасликларини назокат билан уқтиришади. Сабаби, маҳаллий шифокор орқали учрашув белгиланмаганлиги. Учрашув муҳлати аниқ бўлгунига қадар эса бу киши яна икки-уч кун азобланиб юришига тўғри келди.

"Отингни сот, солингни сот - тил ўрган!"

	Андижон лаҳжаси дунёга ёйилди

Нидерландиядаги қочқинлар марказида ярим йилга қадар яшашимиз мобайнида бу ерда ҳам ўзбеклар диаспораси пайдо бўлди. Аввало юрт соғинчию қисматнинг бирлиги, қолаверса, бегона жамият ва нотаниш тушунчаларни қабул қилмаслик ҳамда тил билмаслик бундай иҳоталанишга сабаб эди.

Биз гўё ҳали тили чиқмаган бола каби эдик. Кўп эҳтиёжларимизни имо-ишоралар билан аранг тушунтирар, бирор натижага эришмагач эса қўл силтаб кетаверардик. Шундай пайтларда Африканинг аллақайси бурчакларидан келган бошқа қочқинларга ҳавас қилиш мумкин эди. Чунки, уларнинг аксари инглиз ёки фаранг тилини билишар, собиқ Иттифоқ маҳсули бўлган бизлар эса рус тили ҳам жаҳон тилларидан бири, дея ғурурланиб юрган эдик.

Нафсиламбрини айтганда, шу каби мушкулотлар бир бўлиб, бегоналашув ҳиссини кучайтиради. Шундай пайтларда ёши 70 дан ошган бир онахон кўп зорланар эди:

- Каримовнинг тахти бошидан қолсин эди, сиёсатини ҳам ўзи пишириб ичавермайдими! Ўша куни биз фақат қамоқда ётган болаларимизга адолат сўраб чиққандик. Бизга бошқа нарса керакмас эди...

ВВС Гаштак ёхуд дўппини ерга қўйиб...

Давом қилаётган 13 май

Муносабатлар

NOZIMOV QUDRAT, ANDIJON

MEN O'ZBEKISTON FUQOROSI SIFATIDA SHUNDAY DEYMANKI, ASLIDA O'ZBEKISTONNING CHET ELDAGI QOCHOQLARINI SHU AHVOLGA TUSHISHLARIGA O'ZLARI AYBDOR. CHUNKI ANDIJON VOQEALARIDA ULARNING HECH QANDAY AYBI YO'Q. BO'LGANIDA ULAR O'ZBEKISTON HUDUDIDAN CHIQIB OLMAGAN BO'LAR EDILAR.

CHUNKI MEN HAM ANDIJONDA YASHAYMAN , UNDA MEN HAM CHET ELGA QOCHIB KETISHIM KERAK BO'LGAN EKANDA? ULAR ANA SHU TARTIBSIZLIKLARDA O'ZLARINING AYBLARI BORLIGINI BILGANI UCHUN QOCHIB KETISHGAN.

ENDI 70 YOSHLI KAMPIRNING HECH BIR ASOSSIZ PREZIDENTNI AYBLASHI HAM NOO'RIN, FARZANDINI TARBIYA QILA OLMAGANLIGI UCHUN PREZIDENTIMIZNI AYBLASH NOTO'G'RI. AGAR O'SHA KAMPIR MUSULMON BO'LSA SHUNI BILIB QO'YSA YOMON BO'LMASDIKI QUR'ONI KARIMDA HAM O'Z BOSHLIQLARIGA BO'YSUNMAGANLAR OSIY BO'LADI DEYILGAN.

KEYIN YANA YOSHI 70 GA BORGAN KAMPIRGA KIM QO'YIBDI NAMOYISHGA CHIQISHGA. AHIR BIZ HAM SHU DAVLATDA YAHSAYMIZ , ALLOHGA SHUKUR HALI NOLIGANIMIZ YO'Q. QOCHOQLARGA ESA: O'ZIMDAN CHIQQAN BALOGA QAYGA BORAY DAVOGA.

Nobody

Salom Hurmatli BBC hodimlari, sizlar juda chukur siyosat bilan shugullanmasdan odiy siyosatni kullasalaring bular edi. Men hozir musofirchilikda Rossiyaga kelganman, bu erda halkni hurlanib yurib, milisiya hodimlari tomonidan uzbek halkini kamsitishlari, bu uzbek halkini hechkim emasligini kursataypti.

I.A.Karimovni shiori hammasi chappasiga aylangan. Biz hech kimdan kam emasmiz, lekin bunday emas uzbek halki hammadan kam hammadan yomon, hammadan kashokrok yashashini hamma biladi. Londa kilib aytganda UZBEKISTON KELAJAKI YETIM DAVLAT.

Uzbekistonda kim yahshi yashayapti aytaymi? Prezident Karimovning atrofidagi ministrlar, kim katta lavozimda ishlayotgan bulsa ushalar, oddiy halk kachon yahshi yashaydi????