BBCUzbek.com

"Унутма мени" - куйлайди Гулнора Каримова
Гулнора Каримованинг қўшиқ айтиб видеоклип чиқаргани интернетда муҳокамага сабаб бўлди.

"Шов-шув.уз" интернет саҳифасида айтилишича, ҳозир Ўзбекистондаги "ТВ-Марказ"да бот-бот кўрсатилаётган клип ҳамманинг эътибор марказида экан.

Гугуша ўзбек қўшиқчилик санъатида янги ном, бироқ жамиятда ўз ўрнига эга, саховатпеша, интилувчан, изланувчан, юксак ғоялар соҳибаси бўлмиш бу аёлни ҳамма танийди ҳам экан.

"Шов-шув.уз"да Ирода номи остида ўз фикрини қолдирган бир мухлиса "Гулнора опа клипингиз эртакка ўхшаб олинибди, лекин яна кўпроқ ўз устингизда ишлашингиз керак" деган тавсия берган.

Азиз исмли мухлис эса, "клип менга ёқди, ўзингиз ҳам чиройли чиққансиз. Лекин менимча сизда истеъдод йўқ, сиз менга ишбилармон аёл сифатида кўпроқ ёқасиз, ашулачилар эса ҳозир жуда ҳам етарли", деган фикрни билдирган.

"Бу клипни кўрган сарим кўргим келаяпти", деб ёзган Беҳзод эса, яна бир бор нома ёзиб, "нимага ўзингизнинг номингиз билан чиқмадингиз? Шуниси қизиқ. Биз барибир билиб олдик кимлигингизни. Келгуси клипларингизда мен ҳам суратга тушишни хоҳлардим", дея истак билдирган.

"Ахир бу Кумуш Раззоқованинг қўшиғи-ку" дея билдирилган ҳайрат билан бир қаторда, "ажойиб овоз, ажойиб кўриниш, бунақаси бўлмаган, бўлмайдиям" деган умид билдирилган.

"Регистан. нет" интернет саҳифасида билдирилган фикрлар аксар хориждан. Саҳифада энг биринчи турган номада "Бу аёлга нима бўлган ўзи?" дея ўртага савол ташлайди.

Ундан кейинги фикрда эса, "Юқоридаги савол бу клип юзасидан менда туғилган кўплар саволларнинг атиги бири", дейилган.

Дина исмли "Регистан. нет" мухлисининг ёзишича, ўзбек халқи қашшоқликда яшаётган бир вақтда клип соҳибаси маликалардек ўзини тутмоқда ва яшамоқда".

Питер Эн эса "клипдаги манзара менга Ўзбекистондаги емакхонлар деворларидаги компьютерларда ясалган, сифати паст турли шаршара ва тропик ўрмонлар туширилган расмларни эслатди" деб ёзибди.

Ник исмли саҳифа мухлисига кўра, "эндиликда Гулнора Каримова ва Дариға Назарбоева ижодий дуэтининг ўзбек-қозоқ муносабатлари тўғрисида айтган қўшиқларини кутиш мумкиндир..."

Крис номи билан фикр қолдирган мухлис эса "Нима учун бу клипни зўр бериб тарғиб қилишяпти, тушунмадим? Менимча бу Каримов томонидан тутилган доно йўл эмас деб ўйлайман" деб ёзган.

Гулнора Каримовани қўшиқ куйлаши тўғрисида қуйидаги фикрдаман. Ёқимли овоз барчага бирдек бўлмасада лекин ҳамма қўшиқ куйлашни орзу қилади. Гулнора Каримова ҳам балки халқимизнинг севимли санъаткорига айланса ажаб эмас. Ноёб овоз фақат консерватория талабасига хосмаску. Хуллас Гулнорахонга омад.

"Otasining qizi" biznesda omadi kelmaganga o'xshaydi endi o'zini san'atga bag'ishlabdi! Bu nafaqat meni balki Amerika Qoshma shtaatlarida taxsil olayotgan ko'pgina yoshlarni fikri. Qoshiqning ilk varianti yahshi va omadli chiqqani uchun eshitish mumkin. Lekin yana 2-3 qo'shiq aytsala keyin bemalol tylarga chiqsa ham bo'lar ekan.. Chunki sanat xaqiqiy san'at ekanligiga avvallo xalq baxo beradi buning uchun esa to'ylarga borishni o'zi kifoya.........

Nima ham deyish mumkin absurd!!! uyat!!! koshik aytishga umuman talant yok korinib turibdi koshikni oz kulogim bilan eshittim! dahshat! menimcha G Karimova ochikchasiga ozbek halkining ustidan kulayapti shekilli! afsus uning koshigi kimlargadir yokipti?

O'zbekiston halkini horlagan otasi hakidayam bitta hajviy köshik aytib köysin.

Bu clipni birinchi bora ko'riboq Kimligini bildim. Menimcha Qo'shiq Uhshamagan clipi yahhsi chiqqan bo'lsada. Qo'shiq ijrochisining ovozi bemalol chiqmayotganga uhshaydi. Yani past ovoz bilan aytishga uringani bilinib qolgan. Clipga kelsak clip sifati o'rtacha ammo ichida uzb-nni chiroyli samimiy, yahhsi ertakona mamlakat qilib chiqarishga harakat qilingan. Qo'shiq yahhsi chiqishi uchun qo'shiqchi bemalol qo'shigini aytishi kerak. Ovozini uzgartirishga harakat qilmasdan.

menga ham klipiz juda yoqdi, istedodizga ham gap yuq, ammo hamma ishbilarmonlarimiz uz ishini tashlab sanat yuliga kirib ketsa agar mamlakatni kim boshqaradi??? menimcha hayotda hamma uz urnini bilib yashagani yaxshi deb bilaman!

Бу клипни кўрганимда, хонанда Гулнора Каримова эканлигини билмас эдим. Ва бунга нисбатан шунчаки яна бир қўзиқоринга ўхшаган, машҳур бўлишни истаган ва яхшигина ҳомийга эга бўлган бир қизалоқ Кумуш Раззоқованинг қўшиғини ўхшатмасдан айтибдида деб ўйлаган эдим. Бу аёл Г.И.Каримовалигини билгандан сўнг мени бир гумоним ҳақиқатга айланди. Ҳа, ҳақиқатдан ҳам Гулнора Каримова Дарига Назарбоевага ўзини кўрсатиб қўймоқчи эканлигига амин бўлдим.

Аслида мен бу аёлни отасининг қизи эмас, балки ишбилармон аёл сифатида биламан. Шундай экан нега энди бизнинг ЎЗБЕК опа ўзини кўрсатмасин экан? Омадини берсин! Лекин "чумчуқ сўйса ҳам қассоб сўйсин"