Ер ва Ойнинг фазовий рақси...

Қўшма Штатлар фазо агентлиги - НАСА Ер ва Ой коинотда биргаликда ҳаракатланишига оид ҳайратланарли видеони тақдим этган.

Тасвирлар октябр ойи Ердан ўтиб кетаётган Жуно сунъий йўлдоши камерасига тушиб қолган.

Ер ўз ўқи атрофида айланаркан, Ой Ернинг ўнгу сўлини кесиб ўтиб, ўз макони сари ҳаракатланади.

Тадқиқотчи олим Скот Болтоннинг айтишича, мазкур тасвирлар одамларни коинотдаги ўрнимиз ҳақида ўйлашга ундайди.

"Инсонлар Ер ва Ойни ҳаракатда, фазовий рақс тушаётганларини кўришлари мумкин", дейди олим.