Доналд Трамп - АҚШ Президенти
АҚШнинг 45- Президенти этиб сайланган Доналд Трамп бугун қасамёдга келтирилмоқда. Маросимни жонли кузатинг.
Жонли ёритиш
Таққослаб кўринг: Обама ва Трамп қасамёд маросимлари
Сурат манбаси, PBS NewsHour
Трампнинг атрофида кимлар бор?
Вице президенти Майк Пенс
Индиана штати ҳокими 57 ёшли Майк Пенсга Доналд Трамп маъмуриятида етакчи вазифа берилган. Рим католиклари оиласидан бўлган Майк Пенс оиладаги беш фарзанднинг бири бўлган. Ўзининг айтишича, сиёсий қарашлари либерал, Жон Кеннеди ва Мартин Лютер Кингларга издош. У ўзининг ҳомилани сунъий равишда олдириб ташлашган қарши қатъий мавқеи билан танилган. АҚШ ҳукуматини абортларни таъқиқлаш ҳақидаги қонунларни киритиш ҳуқуқидан маҳрум қилган 1973 йилги фармонни бекор қилиш истагини билдирган. Аёллар ҳуқуқларини ҳимоя қилиш ташкилотлари унга қарши кенг кампания бошлаганлар.
Давлат котиби Рекс Тилерсон
Доналд Трамп томонидан "жаҳон миқёсидаги ўйинчи" дея таърифланган Рекс Тилерсон жаҳондаги энг йирикларидан кўрилган Exxon Mobil нефт ширкатини бошқаради. Унинг 40 йиллик иш фаолиятининг ҳаммаси Exxon да ўтган. 64 ёшли Тилерсон ширкатга 2006 йили раҳбар этиб тайинланган ва келгуси йили нафақага чиқмоқчи эканлиги айтилганди. Охирги 10 йил мобайнида ширкат раҳбари сифатида 240 миллион доллар ишлаган. Шунинг учун унинг Давлат котиби сифатида йилига 203 мингга яқин маоши аввалгисидан анча камроқ бўлиши айтилмоқда. У шунингдек, Россия президенти Владимир Путин билан яқин алоқалари билан таниш. 2013 йили Кремл унга "Дўстлик" ордени туҳфа қилган. Сенатнинг ҳам Республикачи ва ҳам Демократ аъзолари унинг Кремл билан алоқаларини савол остига олишган.
Мудофаа вазири Жеймс Матис
Денгиз кучларининг истеъфодаги генралини Доналд Трамп ноябр ойидаги учрашувидан сўнгги твитида "Генералларнинг генерали", дея таърифлаган. 44 йил Қуролли кучлар сафида хизмат қилган Матис Ироқ ва Афғонистондаги амалиётлардла иштирок этган. 2004 йилдаги Фалужа амалиётларида етакчи рол ўйнаган. Ўзининг дангал изҳоротлари билан танилган. 2005 йили ҳижоб киймаган аёлларини урган афғон эркакларини отиш "жуда мароқли нарса", деган вақти танқидлар остида қолган.
Ички ишлар вазири Жон Келли
У ҳам истеъфодаги генерал.
Президент Трампга ишончсизлик билдириш кампанияси бошланди
Жаноб Трампга ишончсизлик билдириш учун кампания олиб борувчи impeachdonaldtrumpnow.org вебсаҳифаси ишга тушди.
Ташкилотчилар Доналд Трамп президентлик вазифасига эга бўла туриб, ҳашаматли меҳмонхона ва яна қатор бизнесларга эга эканлиги манфаатлар тўқнашувини англатишини айтмоқдалар.
Ню Йоркдаги жаноб Трампга тегишли осмонўпар бино ташқарисида норозилик намойиши бўлиб ўтди.
Сурат манбаси, Getty Images
Доналд Трампнинг илк қарорлари
Ҳаво базасига тикучарда етиб келган Барак Обама хайрлашув нутқини қилар экан, президент Трамп илк қарорларни имзолай бошлаган.
Улардан баъзилари Барак Обама даврида киритилган ўзгартиришларни бекор қилиш ҳақидадир.
Сурат манбаси, Reuters
Норозилик чиқишлари
Вашингтон ва яна қатор шаҳарларда Доналд Трампнинг сайланиши ва сиёсатига қарши норозилик чиқишлари бўлиб ўтди.
Сурат манбаси, EPA
Трамп Обаманинг суратини "ўғирладими"?
New York журнали муҳаррири Кайл Буканеннинг ёзишича, Доналд Трампнинг янги Twitter саҳифасидаги сурат Барак Обаманинг 2009 йилги қасамёд қилиш маросимидан олинганга ўхшайди.
Баъзилар бугунги маросимда одамлар анчайин сийрак бўлганлигини айтишмоқда.
Сурат манбаси, social media
Президент Трампнинг илк твити
Президент Трамп янги берилган @POTUS Twitter идан эмас шу вақтгача фойдаланиб келган эски @realDonaldTrump дан илк твитини жўнатди. Унда ўз нутқидан иқтибослар келтирилган.
Барбара Плет, Би-би-си мухбири Twitterда
Президент Трампни яқинлари қутладилар
Сурат манбаси, EPA
Жаноб Обама рафиқаси билан бирга тикучарда жўнаб кетмоқда.
Тикучарда жаноб Обама ва рафиқаси Эндрюс ҳаво базасига учиб борадилар.
У ердан учоқда Калифорнияга дам олишга жўнаб кетадилар.
Сурат манбаси, АР
America's Got Talent қатнашчиси миллий мадҳияни куйламоқда
America's Got Talent кўрик-танлови қатнашчиси Жаки Эванко миллий мадҳияни куйламоқда. Жаноб Обама қасамёд маросимида Бейонсе миллий мадҳияни ижро этганди.
Матбуотдаги хабарларга кўра, қатор таниқли актёр ва қўшиқчилар маросимларда иштирок этиш таклифини рад этишган. Улар орасида Элтон Жон, Британиялик Шарлот Черч ва Ди-жей Мобилар бор.
Журналистлар маросимларда "А рўйхатидаги санъаткорлар эмас, Б рўйхатидаги санъаткорлар қатнашяпти", дея таърифламоқдалар.
Сурат манбаси, Getty Images
Ирқчи ККК собиқ раҳбари твити
Оқ танлилар устуворлиги тарғиботчи ирқчи гуруҳ ККК нинг собиқ раҳбари Дэвид Дюк жаноб Трампнинг сайлангани ҳақида "Биз мақсадга эришдик", дея твит ёзди.
Доналд Трамп ўз нутқини тугатди. Обама: "Баракалла"
"Менинг сўзларимга қулоқ тутинг. Сизни энди ҳеч қачон назардан қочирмайдилар
Биргаликда биз Американи яна бир бор буюк давлат қиламиз.
Американи Худо ёрлақасин", дея ўз нутқини тугатди Доналд Трамп.
Жаноб Обама эса "Баракалла, баракалла", дея айтгани тасвирга тушган.
Жаноб Трамп “Радикал исломий терроризм” ҳақида, “Радикал исломий терроризм”
“Биз тараққий топган дунёни радикал Ислом терроризмига қарши бирлаштирамиз. Исломий радикал терроризмни ер юзидан бутунлай йўқ қиламиз”.
msV�96u�
Президент Трампнинг илк сўзлари, 'Америка яна зафарлар қуча бошлайди”
"Мен сиз учун жоним билан, ҳар бир нафасим билан курашаман. Ҳафсаланингизни ҳеч қачон пир қилмайман. Америка авваллари мисли кўрилмаган равишда зафарлар қучади”.
�����9��
Жаноб Трамп Президент сифатида илк нутқини бошлади
Сурат манбаси, EPA
Барак Обамани маросимдан олиб кетиш учун тикучар етиб келди
Сурат манбаси, social media
Президент машинасида давлат рақамини ўзгартириш ҳам қудрат алмашинуви таркибий қисми
Сурат манбаси, social media
Доналд Трамп қасам ичмоқда
АҚШ Бош ҳаками Жон Робертс Доналд Трампнинг қасамёдини қабул қиляпти.
