الجیریا میں جامع الجزائر کا افتتاح جسے ’افریقہ کی سب سے بڑی مسجد‘ قرار دیا جا رہا ہے

،تصویر کا ذریعہGetty Images

،تصویر کا کیپشنپیغمبر اسلام کی ولادت کے موقع پر ’جامع الجزائر‘ کا افتتاح کیا گیا۔ اس مسجد کی تعمیر کی نگرانی کرنے والی چینی کمپنی کے مطابق یہ افریقہ کی سب سے بڑی مسجد ہے۔

،تصویر کا ذریعہGetty Images

،تصویر کا کیپشنیہ شمالی افریقہ میں واقع مسلم اکثریتی ملک الجیریا کے دارالحکومت میں واقع ہے اور اس کا افتتاح ملک کے وزیر اعظم عبدالعزیز جراد‎ نے کیا ہے۔

،تصویر کا ذریعہGetty Images

،تصویر کا کیپشناس مسجد کی تعمیر سنہ 2012 میں صدر عبدالعزیز بوتفليقہ کے دور میں شروع ہوئی تھی اور ڈیڑھ سال قبل اسے مکمل کر لیا گیا تھا۔

،تصویر کا ذریعہGetty Images

،تصویر کا کیپشنافتتاح کے بعد وزیر اعظم عبدالعزیز جراد نے یہاں نماز ادا کی اور اس وقت ان کے ہمراہ دیگر سیاسی و مذہبی رہنما اور مسلم ممالک کے نمائندے موجود تھے۔

،تصویر کا ذریعہGetty Images

،تصویر کا کیپشنمسجد کی تعمیر جدید طرز پر کی گئی ہے اور یہ تقریباً 70 ایکڑ کے رقبے پر پھیلی ہوئی ہے۔ چینی تعمیراتی کمپنی کے مطابق یہ سعودی عرب میں مکہ اور مدینہ کی دو مقدس مساجد (مسجد الحرام اور مسجد نبوی) کے بعد سب سے بڑی مسجد ہے۔

،تصویر کا ذریعہGetty Images

،تصویر کا کیپشنیہاں ایک وقت میں تقریباً ایک لاکھ 20 ہزار افراد نماز ادا کر سکیں گے۔ تاہم کورونا وائرس کی عالمی وبا کے دنوں میں ابھی اس کا صرف ایک بڑا ہال کھولا گیا ہے۔

،تصویر کا ذریعہGetty Images

،تصویر کا کیپشنوسیع مقبولیت کے باوجود اس مسجد کی تعمیر متنازع ہوئی کیونکہ اس کے بننے میں سات سال کا عرصہ لگا اور قومی خزانہ سے 1.5 ارب ڈالر کی لاگت آئی۔

،تصویر کا ذریعہGetty Images

،تصویر کا کیپشنجامع الجزائر کی منفرد بات یہ بھی ہے کہ اس کا مینار 267 میٹر بلند ہے اور اسے دارالحکومت کے چاروں اطراف سے دیکھا جا سکتا ہے۔ اس مینار کی 43 منزلیں ہیں اور اس کی ہر منزل تک رسائی لفٹ کے ذریعے ممکن ہوتی ہے۔

،تصویر کا ذریعہGetty Images

،تصویر کا کیپشنالجزائر مسجد کے اندرونی حصے کو نیلے رنگ کے سنگ مرمر اور خاص لکڑی سے تعمیر کیا گیا ہے۔ دیواروں پر عربی میں خطاطی کی تصاویر لگائی گئی ہیں۔

،تصویر کا ذریعہGetty Images

،تصویر کا کیپشناس کے قالین پر پھولوں کا خاص ڈیزائن ملک کے ثقافتی ورثے کی عکاسی کرتا ہے۔

،تصویر کا ذریعہGetty Images

،تصویر کا کیپشناس میں کل 12 عمارتیں ہیں جن میں 10 لاکھ کتابوں والی ایک لائبریری، لیکچر ہال، اسلامی تاریخ اور آرٹ کا میوزیم، ریسرچ سینٹر، باغ اور پانی کے فوارے شامل ہیں۔

،تصویر کا ذریعہGetty Images

،تصویر کا کیپشنخبر رساں ادارے اے ایف پی کے مطابق جامع الجزائر میں پانچ امام اور پانچ موذن تعینات کیے گئے ہیں جو یہاں خدمات سرانجام دیں گے۔

،تصویر کا ذریعہGetty Images

،تصویر کا کیپشنعلما کونسل کے ایک رکن نے اے ایف پی کو بتایا ہے کہ اس جامع مسجد کی مدد سے انتہا پسندی کی سوچ کا مقابلہ کیا جائے گا۔

،تصویر کا ذریعہGetty Images

،تصویر کا کیپشنالجیریا میں صوفی لائبریری کے پبلشنگ ڈائریکٹر حماد الطیبی کا کہنا ہے جامع الجزائر کو ماضی میں ملک کے فرانسیسی نوآبادیاتی نظام اور ’عیسائیت نافذ کرنے کے منصوبے‘ کے خلاف ایک علامت کے طور پر دیکھا جا سکتا ہے۔

،تصویر کا ذریعہGetty Images

،تصویر کا کیپشنگذشتہ برسوں میں جامع الجزائر کی تعمیر سے متعلق ایک تنازع تب پیدا ہوا جب فرانسیسی ذرائع ابلاغ سے بات کرتے ہوئے ایک شہری نے کہا تھا کہ وہ چاہتے ہیں کہ اس کی جگہ ملک میں فیکٹریاں بنیں اور روزگار کے مواقع پیدا ہوں۔ تاہم ملکی قیادت نے اسے فرانس کی ایک کمپنی کی سازش قرار دیا ’جسے اس کی تعمیر کا پراجیکٹ نہیں دیا گیا تھا۔‘