ڈونلڈ ٹرمپ اور کم جونگ ان کی تاریخی ملاقات تصاویر میں

کم ڈیٹا استعمال کرنے کے لیے صرف تحریر پڑھیں

12 جون 2018

امریکہ کے صدر ڈونلڈ ٹرمپ نے سنگاپور میں شمالی کوریا کے رہنما کم جونگ ان سے تاریخی ملاقات کی ہے۔

ڈونلڈ ٹرمپ، کم جونگ ان — ،تصویر کا کیپشنامریکی صدر ڈونلڈ ٹرمپ اور شمالی کوریا کے رہنما کم جونگ نے سنگاپور کے جزیرے سینٹوسا میں منگل کو تاریخی ملاقات کی ہے۔

ڈونلڈ ٹرمپ، کم جونگ ان — ،تصویر کا کیپشنصدر ٹرمپ نے ملاقات کے بعد صحافیوں کو بتایا کہ یہ شاندار ملاقات تھی۔ بات بہت آگے بڑھی ہے۔

ڈونلڈ ٹرمپ، کم جونگ ان — ،تصویر کا کیپشندونوں رہنماؤں نے ملاقات کے بعد سنگاپور کے کپیلا ہوٹل میں دوپہر کا کھانا کھایا۔

ڈونلڈ ٹرمپ، کم جونگ ان — ،تصویر کا کیپشنبی بی سی کے نامہ نگار روپرٹ ونگ فیلڈ ہیز کا کہنا ہے کہ دونوں رہنماؤں نے پہلے ہی اس اجلاس کو کامیاب قرار دیا ہے۔

ڈونلڈ ٹرمپ، کم جونگ ان — ،تصویر کا کیپشننامہ نگار کے مطابق اس ملاقات میں اگر کسی چیز کی کمی ہے تو وہ اساس یا ٹھوس مواد کی ہے۔ یعنی دونوں ممالک مذاکرات کی میز پر کیا لے کر آئے ہیں؟

سنگا پور سکیورٹی — ،تصویر کا کیپشنسنگاپور کا کہنا ہے کہ اس ملاقات پر دو کروڑ سنگاپور ڈالر کے قریب خرچ آ رہا ہے۔ یہ اخراجات زیادہ تر سکیورٹی اور تین ہزار سے زیادہ غیر ملکی صحافیوں کی مہمان نوازی کے ہیں جو اس ملاقات کی کوریج کے لیے شہر میں موجود ہیں۔

سنگا پور سکیورٹی — ،تصویر کا کیپشنوہ ہوٹلز جہاں ڈونلڈ ٹرمپ اور کم جونگ ان مقیم ہیں، وہاں سکیورٹی کے خصوصی اقدامات کیے گئے ہیں۔ پولیس کسی بھی وقت آپ کی مکمل تلاشی لے سکتی ہے۔ آپ اپنے ساتھ کوئی بھی احتجاجی بینر یا لاؤڈ اسپیکر نہیں لے جا سکتے ہیں۔

سنگا پور — ،تصویر کا کیپشنسنگاپور کی ریپڈ ڈپلائمنٹ ٹروپس کے ارکان بھی سربراہی ملاقات کی سکیورٹی پر تعینات ہیں۔