الکوپوپ: کوکا کولا نے جاپان میں پہلا الکوحلک مشروب متعارف کروا دیا
،تصویر کا ذریعہWWW.COCACOLA.CO.JP
کوکا کولا نے جاپان میں اپنا پہلا الکوحلک مشروب متعارف کروا دیا ہے۔ لیموں کے ذائقے والے اس مشروب کا نام الکوپوپ ہے۔
کوکا کولا نے جو کہ امریکی کمپنی ہے، پیر کو تین لیمن ڈرنکس کی فروخت شروع کی۔
اس مشروب کا مقصد نوجوانوں خصوصاً خواتین صارفین کی توجہ حاصل کرنا ہے۔
کوکا کولا نے اپنے ان تینوں مشروبات کو اپنی 125 سالہ تاریخ میں 'انوکھا' قرار دیا ہے جن میں الکوحل کا تناسب تین سے آٹھ فیصد تک ہے۔
،تصویر کا ذریعہWWW.SUNTORY.CO.JP
اپنی کمپنی کی روایات کو برقرار رکھتے ہوئے مشروبات کی تیاری میں بہت خیال رکھا ہے۔ تاہم یہ انھیں ملک کے معروف ڈرنک ’چو ہی‘ ڈرنک کی مانند ہے جس میں مقامی طور پر پسند کیے جانے والے انداز اور مختلف پھلوں کے ذائقے کو شامل کیا گیا ہے۔
End of سب سے زیادہ پڑھی جانے والی
چوہی شوچو ہائی بال کا مخفف ہے اور اسے بیئر کا متبادل سمجھا جاتا ہے اور یہ خواتین میں بہت مقبول ہے۔
مقامی کمپنیاں جن میں سنٹورے، آساہی اور کرن شامل ہیں اس وقت مارکیٹ میں حاوی ہیں۔
جاپان میں چکوترے یا لیموں کے کھٹاس بھرے ذائقے زیادہ پسند کیے جاتے ہیں اور اب لیموں وہ ذائقہ ہے جسے کوکا کولا نے اپنے مشروب میں متعارف کروایا ہے۔
،تصویر کا ذریعہAFP
کوکا کولا کا کہنا ہے کہ ابھی جاپان سے باہر وہ نئے مشروبات نہیں لا رہا۔
90 کی دہائی میں الکوپوپ یورپ اور برطانیہ میں بہت معروف ہوئی تھی۔
لیکن یہ مشروبات متنازع تھیں کیونکہ کہا جاتا تھا کہ اس سے نوجوانوں کو سافٹ ڈرنک کی صورت میں الکوحل کے زیادہ استعمال کی ترغیب ملتی ہے۔
شوچو ہائی بال
'چو ہی' شوچو ہائی بال کا مخفف ہے اور اس کو بیئر کے متبادل کے طور پر فروخت کیا جاتا ہے۔ یہ مشروب خواتین میں بہت مقبول ہے۔
جاپان کی مشروبات بنانے والی بڑی کمپنیاں کیرن، سنٹوری اور آساہی مختلف ڈرنکس بناتی ہیں اور وہ مسلسل نئے نئے ذائقے متعارف کروانے کی کوشش میں لگی رہتی ہیں۔
جیسے جیسے نوجوان نسل صحت کے بارے میں فکرمند ہوتی جا رہی ہے کوکا کولا فزی ڈرنکس سے پانی اور چائے کی جانب بھی بڑھ رہی ہے۔
واضح رہے کہ ایلکوپوپ سے مراد عام طور پر میٹھی لیکن الکوحل ڈرنک لی جاتی ہے۔ 90 کی دہائی میں ہوچ، ریف، سمرنوف آئس اور بکارڈی بریزر بہت مشہور ہوئی تھیں۔
تاہم ان ڈرنکس کے بارے میں تنازع یہ تھا کہ ان ڈرنکس کی وجہ سے نوجوان نسل میں شراب نوشی میں اضافہ ہو رہا ہے۔
