قبائلی اضلاع میں پہلی مرتبہ صوبائی اسمبلی کے انتخابات

،تصویر کا کیپشنقبائلی ضلع خیبر کے ایک سکول میں سکیورٹی اہلکار ووٹروں کو تلاشی کے بعد اندر بھیج رہے ہیں۔ خیبر پختونخوا اسمبلی کی 16 نشستوں کے لیے 297 امیدوار میدان میں ہیں جبکہ 28 لاکھ رجسٹرڈ ووٹر اپنا حقِ رائے دہی استعمال کر سکیں گے۔

،تصویر کا کیپشنپولنگ سٹیشن کے اندر ایجنٹس کی موجودگی میں ووٹنگ کا عمل جاری ہے۔ 16 نشستوں میں سے پانچ مخصوص نشستیں ہیں، جن میں سے چار نشستیں خواتین کے لیے جبکہ ایک اقلیتی نمائندوں کے لیے مختص کی گئی ہیں۔

،تصویر کا کیپشناسسٹنٹ پریزائیڈنگ افسر ایک ووٹر کے کوائف کی تصدیق کر رہے ہیں۔ قبائلی اضلاع کے انتخابات میں لڑنے والے امیدواروں کے مطابق سابق فاٹا سے امیدوار منتخب تو ہوتے رہے ہیں لیکن ان علاقوں کے لیے کچھ خاص نہیں کر سکے۔

،تصویر کا کیپشنایک شخص اپنا حقِ رائے دہی استعمال کر رہا ہے۔ لوگوں کا کہنا ہے کہ انھیں امید ہے کہ صوبائی اسمبلی کے انتخابات سے ان کے علاقوں کو این ایف سی سے فنڈز ملیں گے جس سے مثبت تبدیلی آ سکے گی۔