پاکستان میں 5.8 شدت کے زلزلے کے جھٹکے
،تصویر کا ذریعہGetty Images
پاکستان کے مختلف شہروں میں زلزلے کے جھٹکے محسوس کیے گئے ہیں۔ محمکہ موسمیات کے زلزلہ پیما مرکز کے مطابق زلزلے کی شدت ریکٹر سکیل پر 5.8 ریکارڈ کی گئی۔
زلزلہ پیما مرکز کے مطابق درمیانے درجے کے اس زلزلے کا مرکز ہندو کش ریجن افغانستان جبکہ گہرائی 208 کلومیٹر ریکارڈ کی گئی۔
مقامی میڈیا کے مطابق زلزلے اسلام آباد، لاہور اور پشاور میں محسوس کیے گئے۔ تاہم ابھی تک کسی بھی قسم کے جانی یا مالی نقصان کی اطلاع موصول نہیں ہوئی ہے۔
بھارت کے دارالحکومت دہلی میں زلزلہ کے جھٹکے محسوس کیے گئے۔
یہ بھی پڑھیے!
End of سب سے زیادہ پڑھی جانے والی
،تصویر کا ذریعہPakistan Meteorological Department (PMD)
اس سے قبل آج صبح سندھ کے شہر کراچی اور اس کے گرد و نواح میں ہلکی نوعیت کے زلزلے کے جھٹکے محسوس کیے گئے۔ زلزلہ پیما مرکز کے مطابق کراچی میں آنے والے زلزلے کی شدت ریکٹر اسکیل پر 2.9 ریکارڈ کی گئی ہے۔ زلزلہ پیما مرکز کا یہ بھی کہنا ہے کہ اس زلزلے کا مرکز کراچی شہر کے شمال میں تھا، جبکہ اس کی گہرائی 15 کلو میٹر زیر زمین تھی۔
