گذشتہ ہفتے کا پاکستان: تصاویر

کم ڈیٹا استعمال کرنے کے لیے صرف تحریر پڑھیں

8 اپريل 2018

گذشتہ ہفتے پاکستان میں پیش آنے والے چند اہم واقعات کی تصویری جھلکیاں

کرکٹ — ،تصویر کا کیپشنکراچی میں نو سال بعد کھیلی جانے والی تین ٹی ٹوئنٹی انٹرنیشنل میچوں کی سیریز میں پاکستان نے ویسٹ انڈیز کو تین صفر سے شکست دے کر سیریز اپنے نام کر لی۔ نیشنل سٹیڈیم کراچی میں کھیلے جانے والے تینوں میچوں کے دوران شائقین کی ایک بڑی تعداد موجود تھی۔

کوئٹہ — ،تصویر کا کیپشنگذشتہ پیر کو پاکستان کے صوبہ بلوچستان کے دارالحکومت کوئٹہ میں فائرنگ کے ایک واقعے میں مسیحی برادری سے تعلق رکھنے والے چار افراد ہلاک ہوئے۔ ہلاک ہونے والوں میں ایک خاتون بھی شامل تھیں جبکہ اس واقعے میں ایک بچی زخمی ہوئی۔

ہزارہ برادری — ،تصویر کا کیپشنپاکستان کے صوبہ بلوچستان کے دارالحکومت کوئٹہ میں ہزارہ قبیلے سے تعلق رکھنے والے افراد نے احتجاجی دھرنا دیا۔ یہ دھرنا ہزارہ قبیلے سے تعلق رکھنے والے ایک ٹیکسی ڈرائیور کی ہلاکت کے خلاف شروع کیا گیا تھا۔

کراچی — ،تصویر کا کیپشنانڈیا کے زیر انتظام کشمیر میں جھڑپوں کے دوران 17 کشمیریوں کی ہلاکت کے خلاف پاکستان بھر میں احتجاجی مظاہرے کیے گئے۔

ہاکی — ،تصویر کا کیپشنپاکستان اور انڈیا کے درمیان آسٹریلیا میں کامن ویلتھ گیمز کے ہاکی کے مقابلوں میں کھیلا گیا میچ دلچسپ مقابلے کے بعد دو، دو گول سے برابر رہا۔ پاکستان میچ کے آخری منٹ پر گول کر کے میچ برابر کرنے میں کامیاب رہا۔

پوست — ،تصویر کا کیپشنپاکستانی خاصہ دار فورس کے اہلکار قبائلی علاقے مہمند ایجنسی میں پوست کی فصل کو تباہ کر رہے ہیں۔

شاہد خاقان عباسی — ،تصویر کا کیپشنپاکستان کے وزیر اعظم شاہد خاقان عباسی نے اکنامک ایڈوائزی کونسل کے اجلاس کے بعد ٹیکس ایمنسٹی سکیم کا اعلان کرتے ہوئے کہا کہ سیاستدان اس سہولت سے فائدہ نہیں اٹھا سکیں گے۔ پانچ نکاتی پلان سے آگاہ کرتے ہوئے انھوں نے بتایا کہ انکم ٹیکس کی شرح کو کم کرنے کا فیصلہ کیا گیا ہے اور سالانہ بارہ لاکھ روپے آمدنی پر کوئی ٹیکس نہیں ہوگا۔