چینئی میں شدید سیلاب کے نتیجے میں پھنسے ہزاروں افراد تک امداد پہنچانے کے آپریشن کی تصویری جھلکیاں۔
،تصویر کا کیپشنچینئی میں بارشوں کے نتیجے میں نظام زندگی مفلوج ہے اور امدادی کارکن سیلابی پانی میں پھنسے افراد تک پہنچنے کی کوشش کر رہے ہیں۔
،تصویر کا کیپشنمحکمہ موسمیات کا کہنا ہے کہ گذشتہ 100 سال میں چینئی
میں اتنی زیادہ بارش نہیں ہوئی تھی۔ حکام کے مطابق سیلاب سے گذشتہ ایک ماہ کے دوران تمل ناڈو میں 269 افراد ہلاک ہو چکے ہیں۔
،تصویر کا کیپشنچینئی شہر کے ریلوے سٹیشن پر پانی جمع ہونے کی وجہ سے ریل سروسز اب بھی معطل ہے جبکہ تعلیمی ادارے بند ہیں اور ایئرپورٹ کو سیلاب کی وجہ سے بند کرنا پڑا ہے۔
،تصویر کا کیپشنشہر کے تقریباً 70 فیصد علاقے پانی میں ڈوبے ہوئے ہیں۔
،تصویر کا کیپشنحکام کے مطابق 40 فیصد موبائل فونز اور 20 فیصد لینڈ لائن فون کام نہیں کر رہے جبکہ ریلوے حکام کے مطابق وہ جمعرات کو شہر کے ریلوے سٹیشنز کا جائزہ لیں گے تاکہ ٹرین سروس شروع کی جا سکے۔
،تصویر کا کیپشنبھارتی وزیراعظم نریندر مودی چینئی کی صورت حال کا جائزہ لینے کے لیے ریاست کے دورے پر ہیں۔
،تصویر کا کیپشنشہر کے زیادہ تر حصوں میں بجلی کی فراہمی معطل ہے۔
،تصویر کا کیپشنبرطانوی خبر رساں ایجنسی روئٹرز کے مطابق قدرتی آفات سے نمٹنے کے ادارے کے اہلکار انورگ گپتا کا کہنا ہے کہ اس وقت سب سے بڑا چیلنج سڑکوں اور شہر کے ایئر پورٹ کو بحال کرنا ہے۔
،تصویر کا کیپشنمحکمۃ موسمیات نے مزید بارشوں کی پیشن گوئی کی ہے جو کہ تین دن تک جاری رہیں گی۔
،تصویر کا کیپشنمزید بارشوں کے نتیجے میں متاثرین کی مشکلات میں اضافہ ہو گا اور امدادی کارروائیوں میں رکاوٹ آئے گی۔
