دہلی کے اسمبلی انتخابات میں عام آدمی پارٹی کی تاریخ ساز فتح کے بعد کہیں جشن تو کہیں مایوس اور کہیں سناٹا۔
،تصویر کا کیپشنبھارت کے دارالحکومت نئی دہلی کے ریاستی انتخابات میں عام آدمی پارٹی نے تاریخی جیت حاصل کی ہے اور تخمینوں کے مطابق اسے 70 میں سے 67 سیٹیں ملی ہیں۔
،تصویر کا کیپشناس جیت کے بعد پارٹی کے کارکنان ڈھول تاشوں کی تھاپ پر جھوم اٹھے۔
،تصویر کا کیپشنفلمی گانے ’جہاں شہنائی بجتی ہے وہیں ماتم بھی ہوتا ہے‘ کی عکاسی برسرِاقتدار بھارتیہ جنتا پارٹی کے کیمپ کی اس تصویر سے ہوتی ہے۔
،تصویر کا کیپشناروند کیجریوال نے تازہ رجحانات سامنے آنے کے بعد دہلی میں اپنے حامیوں کی ایک ریلی میں کہا ہے کہ ’جو ذمہ داری ملی ہے اس سے کافی ڈر بھی لگ رہا ہے۔‘
،تصویر کا کیپشنانھوں نے مزید کہا: ’میں درخواست کرتا ہوں پوری پارٹی سے کہ ذرا سا بھی غرور نہ کریں۔ کانگریس کا اور بی جے پی کا یہ حال غرور کی وجہ سے ہوا۔ اگر ہم نے بھی یہ کیا تو یہی سبق عوام ہمیں پانچ سال بعد دکھائیں گے۔‘
،تصویر کا کیپشنکانگریس ان انتخابات میں کوئی سیٹ حاصل نہ کر سکی۔ پارٹی کے مایوس کارکنوں میں اب پرینکا گاندھی میں امید کی کرن نظر آ رہی ہے۔
،تصویر کا کیپشنجوں جوں رجحانات سامنے آتے گئے عام آدمی پارٹی کے دفتر کے باہر لوگوں کی بھیڑ اکٹھی ہوتی گئی۔
،تصویر کا کیپشنکیجریوال نے اپنے تمام حامیوں کا شکریہ ادا کیا اور کہا کہ ’جو سچائی کے راستے پر چلتے ہیں، کائنات کی طاقتیں بھی ان کی مدد کرتی ہیں۔‘
،تصویر کا کیپشن عام آدمی پارٹی کے حامی جگہ جگہ سڑکوں پر ناچتے گاتے نظر آئے۔
