،تصویر کا کیپشنخلیج بنگال سے اٹھنے والا سمندری طوفان ہدہد بھارت کے مشرقی ساحلوں سے ٹکرا گیا ہے جس سے شدید نقصان ہوا ہے اور تقریباً تین لاکھ افراد کو محفوظ مقامات پر پہنچایا گیا ہے۔
،تصویر کا کیپشنآندھرا پردیش میں اب تک تین افراد کے ہلاک ہونے کی اطلاع ہے۔اس طوفان میں 205 کلومیٹر فی گھنٹے کی رفتار سے تیز ہوائیں چل رہی ہیں۔
،تصویر کا کیپشناس دوران ریاست آندھراپردیش اور اڑیسہ میں سینکڑوں درخت جڑ سے اکھڑ گئے اور بجلی کے تار زین پر آگرے جس سے بجلی گُل ہو گئی۔
،تصویر کا کیپشنبھارت میں قومی آفات سے نمٹنے کے محکمے این ڈی آر ایف کے مطابق آندھر پردیش کے علاقے شريكاكلم اور وشاكھاپٹنم میں درخت کے نیچے دبنے سے تین افراد مارے گئے ہیں۔
،تصویر کا کیپشنخصوصی رلیف کمشنر پردیپ کمار مہا پاترہ کا کہنا ہے کہ اس طوفان کا سامنا کرنے کے لیے حکام اور انتظامیہ پوری طرح سے تیار ہیں۔
،تصویر کا کیپشن1999 میں اُڑیسہ میں آنے والے ’سُپر سائیکلون‘ سے دس ہزار سے زائد افراد ہلاک ہوئے تھے۔
،تصویر کا کیپشنگذشتہ اکتوبر میں اڑیسہ اور آندھرا پردیش سے گزرنے والے پہلِن طوفان کے پیشِ نظر پانچ لاکھ افراد کو محفوظ مقامات پر منتقل کر دیا گیا تھا۔
،تصویر کا کیپشنبھارت کے شمالی ساحل اور بنگلہ دیش میں اپریل سے نومبر کے درمیان سمندری طوفان آتے رہتے ہیں جس سے بڑے پیمانے پر جانی اور مالی نقصان ہوتا ہے۔
