دنیا بھر میں جلوس، علامتی کفن اور اسرائیل مخالف نعرے
،تصویر کا کیپشنہالینڈ کے شہر ایمسٹرڈیم میں لوگوں کی بڑی تعداد نے اسرائیل کی غزہ میں فوجی کارروائی کی مخالفت میں جلوس نکالا۔ غزہ پر گذشتہ کئی دن سے جاری اسرائیلی گولہ باری انتہائی شدید ہو گئی ہے اور اطلاعات کے مطابق اتوار کو وہاں کم از کم 87 افراد مارے گئے۔
،تصویر کا کیپشنآسٹریا کے شہر ویانا میں اتوار کے روز مظاہرے میں لوگوں نے فلسطین کے ساتھ یکجہتی کے طور پر مختلف اسلامی ممالک کے پرچم اٹھائے ہوئے تھے۔۔۔
،تصویر کا کیپشن۔۔۔ جن میں پاکستانی پرچم بھی شامل تھا۔
،تصویر کا کیپشنفلسطین کے طبی ذرائع کے مطابق تازہ ترین اموات غزہ شہر سے مشرق کی جانب واقع شجائیہ کے علاقے میں ہوئی ہیں۔ عینی شاہدین کا کہنا ہے کہ اِس علاقے میں لاشیں گلیوں اور سڑکوں پر پڑی ہوئی ہیں۔ مراکش میں احتجاجی مظاہرے کا ایک منظر۔
،تصویر کا کیپشنآسٹریلیا کے شہر سڈنی میں بھی فلسطینی برادری نے پارلیمان کی عمارت کے سامنے مظاہرہ کیا۔
،تصویر کا کیپشناسرائیل کا کہنا ہے کہ اس کے 13 فوجی مارے گئے ہیں جن سب کا تعلق اسرائیلی فوج کی گولان بریگیڈ سے تھا۔
،تصویر کا کیپشنتین روز قبل یونان کے شہر ایتھنز میں اسرائیلی سفارت خانے کے باہر مظاہرہ کیا گیا تھا۔
