جنرل اشفاق کیانی نے کمان جنرل راحیل شریف کو سونپ دی
،تصویر کا کیپشنپاکستانی فوج کے سبکدوش ہونے والے سپہ سالار جنرل اشفاق پرویز کیانی نے کمان نئے سربراہ جنرل راحیل شریف کے سپرد کر دی ہے۔
،تصویر کا کیپشنراولپنڈی کے آرمی ہاکی سیٹیڈیم میں منعقدہ تقریب میں جنرل کیانی نے کمان کی چھڑی جنرل راحیل کے حوالے کی۔
،تصویر کا کیپشنجنرل اشفاق پرویز کیانی نومبر 2007 سے 2013 تک چھ برس پاکستانی برّی فوج کے سربراہ رہے۔
،تصویر کا کیپشنتقریب میں دونوں جرنیلوں کو پاکستانی فوج کی آزاد کشمیر رجمنٹ کے دستے نے سلامی دی۔
،تصویر کا کیپشنجنرل کیانی نے اپنے الوداعی خطاب میں کہا کہ آج جب وہ ریٹائر ہو رہے ہیں تو فوج اندرونی اور بیرونی خطرات سے نمٹنے کے لیے تیار ہے۔
،تصویر کا کیپشنجنرل کیانی کا کہنا تھا کہ انہیں یقین ہے کہ جنرل راحیل کی قیادت میں فوج ملک کے تحفظ اور بہتری کے لیے سرگرم رہے گی۔
،تصویر کا کیپشنجنرل راحیل شریف پاکستان کے بری فوج کے 15ویں سربراہ ہیں اور ماضی میں انسپکٹر جنرل ٹریننگ اینڈ اویلوئیشن کے علاوہ کور کمانڈر گوجرانوالہ اور پاکستان ملٹری اکیڈمی کاکول کے کمانڈنٹ بھی رہ چکے ہیں۔
