فراز ہاشمی

دھرتی کوکھ سے طوفان اٹھا چڑھ دوڑی سونامی
کتنی ماؤں کی آس کو توڑا ایک ظالم سمندر نے

فرط غم سے دھرتی کانپی آسماں بھی رویا
جب ماؤں کی گودوں سے چھینے گل عذار سمندر نے

گنتے گنتے ہاتھ ہوئے شل آنکھیں گئیں پتھرا
ایک کروٹ میں خون کیے ہیں کتنے پیار سمندر نے

بیکس بے بس دکھیاری ماں ڈھونڈے اپنے پھولوں کو
مسل دیا پل بھر میں جن کو خونخوار سمندر نے

غفلت میں جو ٹوٹ پڑی وہ قیامت صغریٰ تھی
ٹکڑے کر کے جس نےپھینکا ہرگھر بار سمندر نے

روٹی پانی کپڑے لے کر بھاگے دوڑے جائیں
بنا دیا ہے دشمنوں کو یارِ غار سمندر نے

جن کی نسلوں کو اس نےاپنی گود میں پالا تھا
اجاڑ دیا پھر ان کو کیوں پالن ہار سمندر نے

جس دھرتی پہ بابا آدم سب سے پہلے اترے تھے
تباہ کیا اس لنکا کو ناہنجار سمندر نے